Soma Biblia Kila Siku Agosti 2021Mfano

Saa tisa Yesu akapaza sauti yake kwa nguvu, Eloi, Eloi, lama sabakthani? Maana yake, Mungu wangu, Mungu wangu, mbona umeniacha? Mlio huu katika m.34 unaonyesha ukali wa mateso ya Yesu. Baada ya kufa kwake, mambo mawili yalitokea: 1. Nchi ilikuwa na giza kwa masaa matatu ya mchana. 2. Pazia la hekalu lilipasuka. Hili laonyesha kwamba nafasi ya kuingia patakatifu pa Mungu sasa ipo wazi. Kristo ametutengenezea njia. Hakuna pazia linalotuzuia. Kwa maana kwa yeye sisi sote tumepata njia ya kumkaribia Baba katika Roho mmoja (Efe 2:18). Sasa tunaweza kumkaribia Mungu katika maombi, na baada ya maisha ya hapa duniani tunakaribishwa kwake. Yesu amepata mateso haya ili atukomboe kwenye hatari ya kifo cha milele.