Kuishi kwa Roho: Ibada Pamoja na John PiperMfano

Roho Hufufua Miili Yetu

Kama Roho yake aliyemfufua Yesu kutoka kwa wafu anakaa ndani yako, aliyemfufua Yesu Kristo kutoka kwa wafu atakupa pia uhai katika mwili wako wa kufa kupitia kwa Roho akaaye ndani yako.—Warumi 8:11

Mungu anajihusisha sana na mwili wako. Kama asingekuwa hivyo, angeuacha uoze kaburini na kukwambia uende salama. Lakini huwa hasemi hivyo. Hapana, Mungu alikuumba na mwili na alikuumba kwa ajili ya utukufu wake.

Kwa hiyo atakufufua na kukupa uzima katika mwili wako wa kufa kwa njia ya Roho Mtakatifu haijalishi umeharibika kiasi gani, au umekumbwa na maradhi, na ataufanya imara, wenye afya, mzuri, ambao nikiuangalia, nitasema, "Unaonekana kama anga la bluu wakati wa jua kali la kiangazi. Unaonekana kama fahari ya nyota milioni wakati wa giza la usiku. Mwanga wako kama wa jua; ndiyo, ndani yako naona ukuu wa utukufu wa Yesu Kristo aliyekuumba, alikukomboa, alikufufua, na kukutukuza kwa utukufu wake milele na milele.”

Mtu anaweza kupata wapi nguvu ya kuendelea katika maisha ya upendo wakati kuna zawadi chache sana hapa duniani? Mume au mke anapata wapi nguvu ya upendo na kuendelea kutoa mahali ambapo hakuna faida? Mwaume au mwanamke anayependa kuolewa anapata wapi nguvu ya kutosheka katika miaka sabini ya kutokuoa au kuolewa? Yesu alipata wapi nguvu ya kuvumilia msalaba na kuidharau aibu (Waebrania 12:2)?

Kwa maana furaha iliyo mbele yetu katika ufufuo tunavumilia kila kitu kwa ajili ya Kristo. Yesu hakuahidi kwamba mtu atazawadiwa na wanadamu kwa kumtii yeye katika maisha haya. Furaha yetu hutiririka kutoka katika furaha isiyotetereka ya Warumi 8:11, siyo kutoka kwenye hali zinazobadirika za maisha yetu. “Ikiwa Roho wake yeye aliyemfufua katika wafu anakaa ndani yenu, yeye aliyemfufua Yesu Kisto katika wafu ataihuisha na miili yenu iliyo katika hali ya kufa, kwa Roho wake anayekaa ndani yenu.”

Kama kweli unaamini Mungu yuko upande wako na siyo kinyume nawe, na kwamba atahuisha mwili wako ulio katika kufa kwa Roho wake akaaye ndani yako, na kwamba chochote chema unachokitoa katika maisha haya kitalipwa mara mia katika ufufuo wa wenye haki (Luka 14:12-14), na kwamba utang'aa kama jua katika ufalme wa Baba yako, na ndipo unakuwa na akiba ya nguvu isiyoisha ili kuendelea kutenda mema Mungu aliyokuita kuyafanya ikiwa kama watu watakushukuru sasa au la.

Jifunze zaidi: http://www.desiringgod.org/messages/the-spirit-will-give-life-to-your-mortal-bodies