ప్రత్యేకంగా ఉండండినమూనా

మీ శరీరంలో దేవుణ్ణి మహిమపరచండి

6:12-20: ఈ వాక్యభాగంలో కొరింథీయులకు వేశ్యలను ఉపయోగించుకునే స్వేచ్ఛ ఉందని వారు భావించినట్లు మనం చూస్తాము. కాబట్టి క్రైస్తవ స్వేచ్ఛ గురించి వారి తప్పుడు అభిప్రాయాన్ని పౌలు సరిదిద్దుతున్నాడు. లైంగిక అనైతికత క్రీస్తుకు (వ. 15), ఒకరి సొంత శరీరానికి (వ. 16-18), మరియు పరిశుద్ధాత్మకు (వ. 19-20) వ్యతిరేకమైన పాపం.

చాలా మతాలు ఆత్మను ఆధ్యాత్మికంగా చూస్తాయి మరియు శరీరం భూసంబంధమైనదని భావిస్తారు. కానీ బైబిల్ అలాంటి అభిప్రాయాన్ని వ్యతిరేకిస్తుంది. ఆత్మ మరియు శరీరం రెండూ దేవునిచే సృష్టించబడ్డాయి. యోహాను 1:14 లో దేవుని కుమారుడు శరీరధారియై, ఈ లోకానికి వచ్చాడు అనే విషయాని మనము చూడగలం.

కొరింథీ సంస్కృతిలో వేశ్యల వద్దకు వెళ్లడం ఆమోదయోగ్యమైన పద్ధతి. అయితే వారి శరీరాలు ప్రభువుకు చెందినవని మరియు పునరుత్థానం కోసం ఉద్దేశించబడ్డాయని (వ. 13-14) పౌలు కొరింథీ విశ్వాసులకు గుర్తు చేస్తున్నారు. అందుకే వారు తమ శరీరాలను పాపంతో అపవిత్రం చేయకూడదు. దానికి బదులుగా, వారి శరీరాలలో దేవుణ్ణి మహిమపరచాలని వారికి ఆజ్ఞాపించాడు (వ. 20). మనము అద్దె ఇంట్లో నివసిస్తే, ఆ ఇంటిని పాడు చేయకుండా జాగ్రత్తపడతాము కాదా? మీ శరీరం దేవునికి చెందినది. దాన్ని అపవిత్రం చేయవద్దు. మీ శరీరంలో దేవుణ్ణి మహిమపరచండి!

ప్రార్థన: ప్రభువా, పవిత్రమైన జీవితాన్ని జీవించడానికి మరియు నా శరీరంలో నిన్ను మహిమపరచడానికి నీ కృపను నాకు దయచేయండి.