ఉద్దేశముతో కూడిన జీవితం జీవించండి!నమూనా

“విజయవంతమైన సంబంధాలకు సూత్రాలు”

ప్రతి సంబంధం, అది ఒక స్నేహితునితోనైనా, కుటుంబ సభ్యునితోనైనా, జీవిత భాగస్వామితోనైనా, లేదా దేవునితోనైనా, దానిని విజయవంతం చేయాలంటే రెండు ప్రాధమికమైన విషయాలు ఉంటాయి: ఇద్దరు వ్యక్తుల మధ్య పరస్పర ప్రేమ మరియు ఆప్యాయత, మరియు ఆ ప్రేమను క్రియా రూపంలో చూపించడం.

నిజమైన ప్రేమ క్రియాలో చూపించబడుతుంది అనేది సత్యం; ఒక స్నేహితుడు మరొకడు అక్కరలో ఉన్నాడని చూసినప్పుడు స్పందించి సహాయం చేస్తాడు. దేవునితో మన సంబంధం విషయంలో కూడా ఇదే సత్యం. దేవుని పట్ల నిజమైన ప్రేమ ప్రేమతో ముడిపడి ఉంటుంది; మన చుట్టూ ఉన్నవారి హృదయాలను తాకుట ద్వారా దేవుని హృదయాన్ని తాకుతాము.

ఇతరులతో మంచి సంబంధాన్ని కలిగి ఉండటం దేవునితో మన సంబంధం మీద ఆధారపడి ఉంటుంది. వాస్తవానికి, ఇతరులతో మన సంబంధం దేవునితో మన సంబంధం యొక్క కొనసాగింపుగా ఉండాలనేది దేవుని మాట. బైబిలులో చెప్పబడిన ఆజ్ఞలలో రెండు అతి గొప్పవాటి గురించి యేసు ఏమి చెప్పాడో చూడండి:

“నీవు నీ పూర్ణహృదయముతోను, నీ పూర్ణాత్మతోను, నీ పూర్ణవివేకముతోను, నీ పూర్ణబలముతోను, నీ దేవుడైన ప్రభువును ప్రేమింపవలెననునది ప్రధానమైన ఆజ్ఞ. రెండవది, నీవు నిన్నువలె నీ పొరుగువానిని ప్రేమింపవలెననునది రెండవ ఆజ్ఞ; వీటికంటె ముఖ్యమైన ఆజ్ఞ మరే దియు లేదని అతనితో చెప్పెను.” మార్కు 12:30-31

విశ్వాసులముగా, దేవునితో మనకున్న ఊర్థ్వ సంబంధం మరియు తోటివారితో ఉండే సమాంతర సంబంధం అనే రెండూ దేవుని దృష్టిలో ముఖ్యమైనవే – దేవునిని ప్రేమించుట మరియు ఇతరులను ప్రేమించుట.