In Our Place: Debosyon Pang-Kwaresma Mula sa Time of GraceHalimbawa

Immortal ka

Natural sa mga tao na hindi pahalagahan ang mga importanteng bagay, diba? Kung nagmamaneho ka at bigla mong nakita ang pulang taillight sa harapan mo, hindi mo iniisip, "Gagana kaya ang law of friction sa pagkakataong ito?" Pumepreno ka lang. O sa paggising mo sa umaga, hindi mo iniisip, "Ito ba ang araw na ang gravitational pull ng mundo ay mawawala at lulutang ako sa space?" Naglalakad ka lang at nagaakalang ang mga paa mo ay mananatili sa lupa. Hindi natin nakagawiang pagisipan ang mga katotohanan sa daigdig na umaayos sa buhay natin. Subalit paano kaya kung hindi naganap ang Pasko ng Pagkabuhay?

Kung hindi nabuhay muli si Kristo, ang lahat ng iniisip mo tungkol sa Kristyanismo ay masisira at malalaglag, gaya ng isang gusali na walang pundasyon sa gitna ng isang unos. Kung si Kristo ay hindi nabuhay-muli, ang pinakanakakatakot na pangyayari ay ito: Ang mga kasalanan mo ay mananatili at ika'y parurusahan para dito. Silang mga nakatulog kay Kristo ay mapapahamak. Kung ang pag-asa natin kay Cristo ay para lamang sa buhay na ito, tayo na ang pinakakawawa sa lahat ng tao, wika ni Pablo.

Subalit tingnan mo ito: Sabi ng Bibliya, "Ngunit ngayong si Cristo'y muling binuhay, ito'y katibayan na muling bubuhayin ang mga patay" (1 Mga Taga-Corinto 15:20). Si Kristo Hesus ang unang yugto ng muling pagkabuhay. Dahil nabuhay siyang muli sa kaluluwa at katawan, ikaw at ako ay immortal. Ang kanyang muling pagkabuhay ang katiyakan ng iyong kapatawaran. Ang kanyang muling pagkabuhay ang katiyakan ng sa iyo.