30daysofbiblelettering Round 4 - Devotional Halimbawa

At siya'y nagsabi sa akin, “Ang aking biyaya ay sapat na sa iyo: sapagka't ang aking kapangyarihan ay nagiging sakdal sa kahinaan. Kaya't bagkus akong magmamapuri na may malaking galak sa aking kahinaan upang manahan nawa sa akin ang kapangyarihan ni Kristo.” 2 Corinthians 12:9

Ikaw ba ang uri ng tao na ayaw magpakita ng kahinaan o anf tipo ng tao na buong pusong tanggap ang kanyang kahinaan? Marami tayong pinagdadaanang pagsubok araw-araw. Karamihan sa atin ay pinagdadaanan ito nang mag-isa. May parte sa atin na gustong patunayan sa iba na kaya nating mag-isa Bakit nga ba ganoon? Imbes na ibalik natin ang lahat ng papuri sa Diyos bilang pinagkukunan ng lahat, an ating pagmamataas ang dahilan nang pagtanngap ng lahat ng tagumpay. Sa tuwing tayo ay may kinahaharap na pagsubok, may lakas ba tayong titigan ito nang mata sa mata? Para sa akin, madalas. Isipin mo ang isang maliit na taong pilit na lumalaban sa mga higanteng kalaban at sa huli alam mo naman kung sino talaga ang nagwawagi. Anang Diyos, “Ang aking biyaya ay sapat na sa iyo: sapagka't ang aking kapangyarihan ay nagiging sakdal sa kahinaan.”. Hinahayaan nating tanggapin ang pagpapala ng Diyos at tayo ay umaasa sa Kanyang lakas. Kalakasang walang limitasyon, kalakasang hindi mapupuksa. Ang dahilan kung bakit madalas tayong malupig n gating mga pagsubok ay dahil kumakapit tayo sa maling pinanggagalingan ng lakas – ang ating sariling kakayahan. Ngunit kung ipagmamalaki natin an gating kahinaan at hahayaan ang Panginoon na manalig sa atin, walang sinumang higante ang imposibleng hindi malupig. Ang biyaya ng Panginoon, na siyang sapat sa atin, ay mananaig sa ating araw-araw na pagsubok.
by @quiettimewithnic translated by @ariellejezzettemc