Ang Unang Pasko

Sa panahon ngayon, ang Pasko ay inilalarawan bilang panahon ng bigayan ng mga regalo, muling pagsasama-sama, at mga pagdiriwang. Ngunit noong unang gabi ng Pasko, ang pagsilang ng pinakahihintay na Tagapagligtas ng Israel ay panahon ng kaguluhan, kahirapan, at tila walang katapusang paghihintay. Ang unang Pasko, ang kapanganakan ni Hesus, ay hindi inaasahan at isang normal na araw lamang para sa nakararami.

Dumating si Hesus sa isang mundong hindi Siya tinanggap at pinaghandaan. Gayunpaman, naparito Siya para sa sangkatauhan—ang katuparan ng ipinangakong Manunubos ng Diyos upang ibalik tayo sa Kanyang orihinal na disenyo’t plano.

Sa susunod na tatlong araw, pag-aaralan natin ang regalo ng Diyos—si Hesukristo—at ihahanda natin ang ating mga sarili para maging instrumento ng Diyos upang ipahayag at ibahagi sa iba ang pinakamahalaga’t pinakamagandang regalong matatanggap nating lahat.

Pagnilay-nilayan:

1. Bakit mahalaga para sa iyo ang Pasko?
2. Maglista ng pangalan ng limang taong nais mong bigyan ng regalo ngayong Pasko. Bakit mo sila nais regaluhan?
3. Ipagdasal ang limang taong ito at hingin ang gabay ng Diyos upang maibahagi mo sa kanila ang Magandang Balitang na kay Hesus ngayong Pasko.