Популярні біблійні вірші з Maluko 13

Поділитись

Avaanu woona vakhavakhalalila kwa kiiva omwe muli vamanyisiwa vangu. Leelo umuunu yoyoona yuna akhajimba mbakha kuwudugo, uNguluvi akhamukulusa.

Kiiva musimeenye uluhaavi ulo lukhayinsa yooli, yipinyangaji na muveesaje meeho.

Pina vakhavakhata na kivatwala pa livansa, musikhatungumalaji kiija mukhalogola shishi awu mukhalogola wuli. Kiiva uluhaavi ulo, uNguluvi akhavapeela aga kilogola, kwa kiiva musili yuumwe muna mulogola, leelo iiva yu Numbula uMunofu.

Uwulanga ni nyi fikhashila, leelo amaswi gangu gakhava ga shiluta.

“Leelo ulwa lijuva lila nu lwa luhaavi lula, kusiina umuunu yuna iimanya hata avamalayikha va kushaanya wala Lusawo lwa Nguluvi, leelo yu Daada mwene duguli yuna ameenye.

Omwe pina mukhapulikha imola ni pwepwesi sa wulugu, musikhatungumalaji. Ago goona mbakha gawoneshe, leelo uluhaavi ulwa wudugo lukhava lushaanali.

Lino muveesaje meeho, kiiva musiimanya uluhaavi lwa kiwuya umunya nanda. Pamonga asiyinse shaamihe, awu paashilo paakhati, awu pina kuhenga awu palwamilaawu. Muveesaje meeho, nda ayinse avatilimbule asilaave avaaje mugoneleele. Iliswi lina nisakula kivajovela omwe, lilyene lina nikivajovela avaanu woona kiija, vaveesaje meeho.”

Insiku iso inyi yimo yikhalwa ni nyi iyinji, uwutwa wukhalwa nu wutwa uwunji. Kukhava mudegenkho imbali nyinshi, nayi njala yikhagwa. Ago goona gakhava ngaja shiyanso sha wuvafi uwa washimaayi pina ali nkholeela kisava.

Leelo tangusiina iMola iNofu yisakulwa yikhomwe mu nyi soona.

Kiiva vakhayinsa avaanu vinshi kwa litaawa lyangu vakhajova, ‘One yuune Mukulusaaji.’ Woope vakhava vikivajanga avaanu vinshi.

“Omwe yivavalaji, kiiva vakhavatwala pa livansa lya vakhome, khanji vakhavatova mu nanda isa kifuunyila. Vakhavatwala omwe pa vakhome va nyi na pa vatwa, kwa kiiva yangu. Baheene muve mukivabedela.

Kiiva vakhayinsa avakuwamalago avadehi na vaanu vina vakhava viijova uwudehi kiija, aveene vakulusaaji. Awo vakhava viigaha amabikha ga miitu, baheene vakhavajanga avaanu na kiija, nda yikwiliile vavajanje hata avabaagule va Nguluvi.

“Insiku siiso, gakhasa kishila amalava ago, ‘Ilijuva likhaseetulwa nshiisi, nagu mwesi gusikhangʼaala khanji.’ ‘Inondwe sikhagwa kihuma kushaanya, nafi fiinu fina fili kushaanya fikhadegenkha.’