Популярні біблійні вірші з Mataayo 19

Поділитись

Yeesu ˆnaabharingira, ˆnaabhabhwira ati, “Riyo abhaanu bhatakuritura, nawe ku-Nyamuwanga goone kutyo agaturikana.”

Mmbe, bhayo bhatakyari bhabhiri kweki, tari ni mubhiri gumwi. Mmbe, kinu Nyamuwanga agwatanyiishe, omuunu aasiga okukitaanya.”

Yeesu ˆnaabhasubhya ati, “Emwe mukyariga okusoma mu-Makaamo Amataakatiifu ati okusooka ku-bhwambiro unu ꞉aabhabhumbire, ‘꞉Aabhumbire omuunu omurume na omugasi?’ Omubhumbi ˆnaamara ˆnaaika ati, ‘Ku-nsonga iyo, omuunu arisiga esemwene na nyiramwene, ˆnaayimbana na mukaaye, abhabhiri bhayo bharibha mubhiri gumwi.’

Yeesu ˆnaabhwira abheeyigira bhaaye ati, “Musige abhaana abhatooto bhaaje ku-anye! Musige okubhagaanya, kwa okubha, abhaanu rwa abhaana bhanu, obhukama bhwa mu-rwire ni bhwebhwe.”

Nawe abhaanu bha okwamba woori anu, bharibha bha ku-bhuteero. Na abhandi bhanu bhari ku-bhuteero woori anu, bharibha abha okwamba.”

Na omuunu woonewoone unu asigire iinyumba, abhamura bhaabho amwi ati abhasubhaati bhaaye, abheebhusi bhaaye, asigire abhaana amwi ati amasambu gaaye ku-nsonga ya riisiina ryani, ariramira kaafu muno okukira bhiyo, na ekindi, arinyoora obhurame bhunu bhutakuweera.

Yeesu ˆnaamubhwira ati, “Raabhe oweenda okubha murengeresi, genda ugushe ebhiinu bhyawo bhyone kutyo. Ukanyoora giiyera, ugabhire abhatobhu. Ukabhagabhira, owubha wiibhiikiiye mu-rwire ku-Nyamuwanga. Ukamara okukora kutyo uuje unseete.”

Yeesu ˆnaamusubhya ati, “Kubhaki owumbuusha anye engʼanaki ejomu? Nyamuwanga niwe omukosi wa amajomu era! Nawe raabhe oweenda okwingira mu-bhurame bhunu bhutakuweera, kora kutyo ebhiraagiro bhya Nyamuwanga ebhyenda.”

Enibhabhwira kweki ati, iwuuyire muno ku-ngamiya okutura mw-iwundu rya insindani, okukira omuniibhi okwingira mu-bhukama bhwa Nyamuwanga!”

Enibhabhwira ati omuunu woonewoone unu kaataana na omugasi waaye, itari ati amugwatire ekiroogi, ˆnaamara ˆnaagabhura omugasi owundi, uyo kaabha ˆnaataara ameega. Unu kaagabhura omugasi unu asigirwe woone kaataara ameega.”

Niwe Yeesu ˆnaabhwira abheeyigira bhaaye ati, “Kimari enibhabhwira ati, eyiija okukomeera muno omuniibhi okwingira mu-bhukama bhwa mu-rwire.