Популярні біблійні вірші з Marko 13

Поділитись

Na me dumaa ti, ebiala kɔtane ɛmɔ, nakoso, bɔ okomia ye nye kogyina nu koodwu awieɛ ne, ye yeɛ okonya ngoa ɔ.

Ɛmɔla ɛmɔ nwo so, na ɛmɔma ɛmɔ nye la berɛ, ofikyɛ ɛmɔnze mmerɛ bɔ bahyɛ ne.

Na sɛ bɛkye ɛmɔ, na bɛkwaaye ɛmɔ bɛma a, nnɛmɔ dwene bɔ ɛmɔkɔha nwo, mmom bɔ bɛkɔfa bɛkɔma ɛmɔ sɔ mmerɛ ne, ɛhene yeɛ ɛmɔha ɔ. Ofikyɛ nná ɛmɔ yeɛ ɛmɔ kodwudwo ɔ, mmom honhom krongron ne.

Anwuro ne aseɛ kɔpɛ nu, nakoso me dwirɛ ne de, ɔngɔpɛ nu lle.

“Na kyẽa ne né dɔnhwere ne de, ebiala nze, abɔfo bɔ bɛwɔ anwuro ne Baa ne po nze, Baba ne ngome yeɛ ɔse ɔ.

Afei koso, sɛ ɛmɔte koɛ ne koɛ nwo dwirɛ a, nnɛmɔ maa ɛmɔ kunu tete ɛmɔ; odikyɛ sɔ nningyein hemɔ sisi, nakoso né awieɛ ne nnya walle.

Yeti, ɛmɔma ɛmɔ nye la berɛ, ofikyɛ ɛmɔnze mmerɛ bɔ ɛmɔ wura ne kɔwa ɔ; kyɛ ɔkɔwa nnɔsoa anaa kɔngɔen, alobahene anaa ngyerɛmɔ tutuutu, ná wamma amvu ɛmɔ nu, wannwu kyɛ ɛmɔ ala. Na bɔ meka mekyire ɛmɔ ne, meka mekyire ebiala: Ɛmɔma ɛmɔ nye la berɛ.”

Na maen kɔdwɔso kotia maen, ná ahennie adwɔso atia ahennie, aseɛ wosolɛ kosi nekaa ahoroɛ, na ɛhɔen kɔwa. Ɛhemɔ te aworɛ nu yealɛ né ahyɛaseɛ.

Na odikyɛ bɛdi moa bɛka nzɛmba ne bɛkyire maen-maen namukoraati.

Mmeni pee kɔfa me dumaa kɔwa kɔɔha kyɛ, ‘Me yeɛ nne ye,’ na bɛkɔlaka-laka mmeni pee.

“Ɛmɔ de, ɛmɔnea ɛmɔ nwo yé, ofikyɛ mmenia kɔfa ɛmɔ kɔhɔ kɔɔto, na me ti, bɛkogwa ɛmɔ wɔ sua bɔ beyia nu nanu, na bɛkɔfa ɛmɔ bɛkɔhɔ amrado ne ahemvo nyunu, ná wayɛ adanzeɛ wama bɛ.

Ofikyɛ ngondombo Kristo ne ngondombo adiifoɛ pee kɔwa, bɛkɔyɛ nzɛngyerɛneɛ ne anwanwadeɛ pee, na sɛ ɔkɔyɛ yé a, bɛkɔlaka-laka bɛ bɔ baye bɛ ne po.

Na sɔ ngyẽa nanu ne, ahohiehia ne si ne, ‘eyia ne kɔkakyi awosii, ɛsraen ne ngɔta. Na nzramaa kofi anwuro kɔtete kogua ase, na bɛkɔwoso anwuro anwoserɛ.’