Những câu Kinh Thánh phổ biến từ Genesis 1

Chia sẻ

ꞋEt Yakꞌusda (Elohim) ꞌutni, “Dune ꞌutsꞌooleh, neundotꞌen-un, nekꞌunꞌa ꞌuntꞌoh-un, yatoo kꞌut, lho, dutꞌai ndo nudilh-i, musdoos, yun kꞌut cha, yun kꞌut nulhꞌas-i cha, ꞌowhi tsꞌiyawh yumoodih ooleꞌ sih”. ꞋEt Yakꞌusda (Elohim) dune ꞌinla, dukꞌunꞌa Yakꞌusda (Elohim) ndotꞌeꞌ, ꞌen dune ꞌinkꞌez tsꞌekoo cha ꞌen ꞌubinla.

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Soo ꞌudechoo wheꞌ whuditꞌen whe Yakꞌusda (Elohim) ndi yun ꞌinkꞌez yakꞌuz ꞌet ꞌuhóonla.

Yun, ba ndo hoonli lhiloh ꞌinkꞌez ꞌaw ookꞌut ꞌet hooloh inleꞌ, yatoo kꞌut tsaholhgus za hoonli inleꞌ. Yakꞌusda (Elohim) ooyughi too kꞌut nudultsꞌut.

ꞋEt Yakꞌusda (Elohim) ꞌen ꞌutni, “ꞋEt njan be hootꞌen-i holeꞌ.” ꞋEt hootꞌen whuzdliꞌ.

Yakꞌusda (Elohim) yaneꞌ yalhꞌen-i yunilhꞌen, tsꞌiyawh ꞌuyinla-i ꞌinkꞌez ꞌalha tube unzoo. ꞋEt hulhgha ꞌinkꞌez bundadaꞌ ꞌet bulh lhkꞌu tat dzin. ꞋEt tsꞌiyawh whunalhꞌen whe tube ooba hoonzoo. ꞋEt hulhgha ꞌinkꞌez bundadaꞌ ꞌet whulh lhkꞌu tat dzin suliꞌ.

ꞋInkꞌez Yakꞌusda (Elohim) be hootꞌen-i yunilhꞌen, unzoo whe ꞌuntꞌoh ꞌinkꞌez be hootꞌen-i ꞌinkꞌez tsaholhgus bulh lhulcho ꞌuyinla.

ꞋEt Yakꞌusda (Elohim) ꞌutni, “Whunulhꞌen, yun ha nuyeh-i oomaiꞌ hoonli-i, ꞌananukat-i yun kꞌut hooni-i, duchun oomaiꞌ ꞌananukat-i, nohni nohba ꞌutꞌalh-i tileh.

Yakꞌusda (Elohim) ndi be hootꞌen ꞌi dzin yulhni, ꞌinkꞌez ndi tsalhgus, ꞌi ꞌulhdzis yulhni, ꞌet whe hulhgha ꞌinkꞌez bundadaꞌ ꞌet soo ꞌudechoo dzin whuzdliꞌ.

ꞋEt Yakꞌusda (Elohim) ndutni, “Too toh yat holeꞌ ꞌinkꞌez ndo whutooꞌ ꞌinkꞌez yun kꞌut too cha lhulcho ooleꞌ.”

ꞋInkꞌez cha ndi yun kꞌut ꞌusjiz-i, dutꞌai ndo nudilh-i, ꞌinkꞌez yun kꞌut nulhꞌas-i cha, ndi yun kꞌut ha nuyeh-i yutiꞌulh huba bugha ínusꞌai,” ꞌinkꞌez whuz unꞌa ꞌuhooja.

ꞋEt Yakꞌusda (Elohim) ꞌutni, “Ndo yakꞌuz hootꞌen ooleꞌ, ꞌi be lhulhcho lhtsꞌe hozit whe dzin ꞌinkꞌez ꞌulhdzis, ꞌi be ntsꞌoh hoozulh, dzin ꞌinkꞌez naoodizulh ꞌet cha.

ꞋEt Yakꞌusda (Elohim) ꞌutni, “Ndi yun kꞌut ꞌet tlꞌo, ndai ꞌutꞌan ha nuyeh ootse whulih. Mai chun oomaiꞌ whulih tsꞌiyawh dichꞌoh oochꞌeꞌ nawhudlih, ꞌi ooleꞌ,” ni ꞌet whe nduhóoja.

ꞋEt Yakꞌusda (Elohim) yat ꞌuhoonla, ꞌinkꞌez ndi too lhkꞌeyalhdzo njan too ꞌinkꞌez ndo yat cha, ꞌet ndúhooja.

ꞋEt ndi yun kꞌut tlꞌo, ndai ꞌutꞌan ha nuyeh ootse whulih whukꞌunꞌa, ꞌinkꞌez mai chun oomaiꞌ whulih tsꞌiyawh dichꞌoh ootse nawhudlih. ꞋEt Yakꞌusda (Elohim) ooba hoonzoo.

ꞋEt Yakꞌusda (Elohim) ꞌen nanki be hootꞌen-i cho whulhtsi. ꞋEt ndi tube be hootꞌen-i, ꞌi dzin huba suliꞌ ꞌinkꞌez dzohyaz be hootꞌen-i, ꞌi ꞌulhdzis huba suliꞌ. ꞋInkꞌez ndi sum ꞌi cha ꞌuyinla.

ꞋEt Yakꞌusda (Elohim) ꞌutni, “Ndi too yakꞌuz ba nyo ꞌi ꞌilho ooleꞌ, ꞌinkꞌez ꞌet yun dizgi ha hooltsꞌit.” ꞋEt nduhóoja. ꞋInkꞌez Yakꞌusda (Elohim) ndi yun dizgi ꞌi yun kꞌut whulhni, ꞌinkꞌez ndi too ꞌilhoh nedimbun ꞌi yatooꞌ yulhni. ꞋEt Yakꞌusda (Elohim) ooba hoonzoo.

ꞋEt Yakꞌusda (Elohim) soo hoonzoo-un hubúlhni, ꞌinkꞌez njan ndutni, “Lhkꞌuz whe lhai oohleꞌ ndi too doolhbun yatooꞌ tuz, ꞌinkꞌez dutꞌai cha ndi yun kꞌut lhkꞌuz teh lhai ooleꞌ.”

ꞋEt Yakꞌusda (Elohim) ꞌutni, “Ndai la khuna-i dichꞌoh didoh-i, khuna-i, musdoos te, yun nulhꞌas-i, ꞌuyoo khuna-i, tsꞌiyawh didutchꞌoh dudun dotꞌen, yun tsꞌu halhꞌas,” ꞌet whuz unꞌa ꞌuhooja.

ꞋEt Yakꞌusda (Elohim) ꞌutni, “Too toh lhai cho lho nduntꞌoh-i holeꞌ, ꞌinkꞌez dutꞌai yun ando yat ndulcho dutꞌai be nuhootꞌo”.

ꞋEt Yakꞌusda (Elohim) khuna-i yun kꞌut nulhꞌas ꞌilhoh didoh-i, musdoos ꞌilhoh didoh-i ꞌinkꞌez tsꞌiyai yun nulhꞌas-i, ꞌilhoh didoh-i ꞌinkꞌez Yakꞌusda (Elohim) yanꞌen, unzoo whe ꞌuntꞌoh.