Gewilde Bybelverse vanaf PSALMS 37

Deel

Wees bly in die HERE, en Hy sal jou hartsbegeertes aan jou gee.

Vertrou jou lewe toe aan die HERE. Vertrou Hom, en Hy sal vir jou sorg.

Wees stil in die HERE, en wag geduldig op Hom. Moenie die mens beny wat op sý manier floreer, of jou verknies oor sy bose planne nie.

Vertrou op die HERE en doen wat goed is. Woon in die land en geniet veiligheid.

Die HERE bepaal die rigting van ’n mens met wie se lewe Hy tevrede is. Al sou so een struikel, hy sal nie val nie, want die HERE hou sy hand vas.

Hy sal jou onskuld laat deurbreek soos die lig, en die regverdigheid van jou saak soos die middagson.

Moenie kwaad word nie; laat staan liewer jou woede. Moenie ander beny nie; dit lei net tot jou nadeel.

Ek was jonk, en nou is ek oud. Maar ’n regverdige mens wat verlate is, het ek nooit gesien nie, of dat sy kinders vir kos moes bedel nie.

Moenie jou vererg oor boosdoeners nie. Moenie die kwaaddoeners beny nie.