Gewilde Bybelverse vanaf PSALMS 91

Deel

Ek sal vir die HERE sê: “U is my toevlug en my vesting, my God op wie ek vertrou.”

Hy wat woon in die skuilplek van die Allerhoogste, sal rus in die skadu van die Almagtige.

Hy sal roep, en Ek sal antwoord; in nood sal Ek by hom wees. Ek sal hom red en in eer herstel.

Want Hy sal sy engele beveel om jou te beskerm oral waar jy gaan.

Hy sal jou oordek met sy vlerke, en onder sy vleuels sal jy skuil; sy trou sal jou beskerm soos ’n skild.

As die HERE jou toevlug is, as die Allerhoogste jou skuilplek is, sal geen kwaad jou tref, en geen ramp naby jou tent kom nie.

Verseker sal Hy jou red uit die strik van die voëlvanger, en van die plaag wat vernietig.

Al sou duisend langs jou val, of tienduisend om jou sterf, naby jou sal dit nie kom nie.

Jy sal nie bang wees vir die skrik van die nag, of die pyle van die dag; vir die plaag wat in die donker kom, of die ramp wat teen die middag verwoes nie.