Gewilde Bybelverse vanaf Genese 17

Deel

E TAE akera kite iva ngauru ma iva o to Aberama mataiti, kua mama mairā, Iehova kia Aberama, na ko maira kiaia, Ko au te Atua Mana katoatoa ra; e na mua koe i toku aroaro i te aere, e kia apa kore taau.

Kare rava oki e tuatua akaouia ko Aberama toou ingoa, ko Aberahama ra toou ingoa; kua akariro oki au ia koe ei metua no te pa enua e manganui.

E akatinamou au i taku nei koreromotu kia koe, e toou ra uanga a muri ake, e ope roa atu to ratou au uki, ei koreromotu mutu kore; e ei Atua au noou, e no toou ra uanga a muri ake.

Ko au teia, i na, tei ia koe taku nei koreromotu, e ka riro koe ei metua no te pa enua e manganui.

Kua tuatua maira te Atua, E tamaiti tikai ta taau vaine ta Sara e anau naau; e naau e tapa i tona ingoa, ko Isaaka; e ka akatinamou au i taku koreromotu iaia, no tona uanga a muri atu, ei koreromotu mutu kore.

E te enua taau e noo tangata ke ua ana, ko te enua katoatoa ra ko Kanaana, taku ïa e o atu ei nooanga noou, e no toou ra uanga i muri ake, e tuatau ua atu; e ei Atua au no ratou.

Kua tipapa iorā Aberahama i raro te mata, kua kata iora, na ko akera i roto i tona ngakau, E anau ainei ta tei anere tona mataiti tamaiti; e ka anau ainei a Sara, ko tei tae ki te iva o te ngauru anga o tona mataiti?

E kua tuatua mairai te Atua kia Aberahama, Kareka ko taau vaine ra ko Sarai, auraka koe e kapiki i tona ingoa ia Sarai, ko Sara ra tona ingoa.

Ko te kiri i mua ra ta kotou e peritome i to kotou na kopapa; ei akairo no te koreromotu ia tatou nei.

E akatinamou ra au i taku koreromotu ia Isaaka, ta Sara e anau naau, kia tae ki teianei tuatau i mataiti i mua nei.

Te au tamariki tamaroa katoa i o kotou na, ka peritomeia ïa kia tae ki te po varu ra, e ope ua atu to kotou au uki ra; ko tei anau i roto i te are, e tei okoia ki te moni, te tangata ke katoa ra, kare i te uanga noou ra. Ko tei anau i toou uaorai are, e tei okoia ki te moni naau ra, kia peritomeia ïa e tikai: kia vai rai taku koreromotu ki runga i to kotou kopapa, ei koreromotu mutu kore.