Gewilde Bybelverse vanaf Spreuke 13

Deel

Wie met wyses saamgaan, sal wys word, maar wie met dwase meng, word benadeel.

Wie sy mond bewaak, beskerm sy lewe; wie sy lippe wyd oopmaak, vir hom wag daar ondergang.

Wie sy lat terughou, haat sy seun, maar wie hom liefhet, hou hom in die oog vir straf.

Onvervulde hoop maak die hart siek, maar 'n vervulde wens is 'n boom van lewe.

Geregtigheid bewaak 'n onberispelike leefwyse, maar goddeloosheid werp 'n sondaar omver.

Besittings wat moeiteloos verkry word, sal verminder, maar wie met die hand bymekaarmaak, vermeerder dit.

Verwaandheid gee net rusie af, maar by hulle wat raad aanvaar, is daar wysheid.

'n Goeie mens laat sy kleinkinders erf, maar 'n sondaar se eiendom word vir 'n regverdige weggebêre.

'n Wyse seun aanvaar die vermaning van 'n vader, maar 'n spotter gee nie gehoor aan 'n dreigement nie.

Armoede en skande lê voor vir wie vermaning in die wind slaan, maar wie op teregwysing ag slaan, word geëer.