Gewilde Bybelverse vanaf Psalms 143

Deel

Leer my om te doen wat vir U aanvaarbaar is, want U is my God. U goeie Gees moet my lei op gelyk grond.

Laat my in die môre van u troue liefde hoor, want op U vertrou ek. Wys my die pad wat ek moet loop, want na U is my verlange.

Red my van my vyande, HERE; na U vlug ek.

Ter wille van u Naam, HERE, moet U my in die lewe hou; deur u regverdige optrede moet U my uitlei uit die nood

'n Psalm. Van Dawid. HERE, hoor my gebed, luister na my smeekgebed; antwoord my in u trou, in u geregtigheid.

U moet my gou antwoord, HERE; my gees is gedaan. Moet tog nie u gesig vir my verberg nie; dan word ek net soos hulle wat in die put afdaal.

Ek dink aan dae lank gelede, ek mymer oor al u dade; oor die werk van u hande dink ek na.