Gewilde Bybelverse vanaf Psalms 91

Deel

Ek sê vir die HERE: “My skuilplek, my bergskuiling, my God op wie ek vertrou!”

Hy wat in die beskutting van die Allerhoogste woon, sal oornag in die skaduwee van die Almagtige.

Hy sal My aanroep, en Ek sal hom antwoord. Ek sal by hom wees in nood; Ek sal hom red en aan hom eer gee.

want Hy sal sy engele oor jou opdrag gee om jou te beskerm op al jou paaie.

Met sy vlerke sal Hy jou bedek, onder sy vleuels sal jy skuiling vind. 'n Skild en 'n skans is sy trou.

Ja, U, HERE, is my skuilplek. Die Allerhoogste het jy jou woning gemaak: Onheil sal jou nie oorval nie en 'n plaag sal nie naby jou tent kom nie

Ja, Hy is die Een wat jou red uit die net van die voëlvanger, van die dodelike pessiekte.

Daar kan duisend langs jou val, en tienduisend aan jou regterkant, naby jou sal dit nie kom nie.

Jy sal nie bang wees vir die verskrikking van die nag, vir 'n pyl wat oordag vlieg nie, vir 'n pessiekte wat in die donker rondloop, vir die epidemie wat helder oordag verwoes nie.