In Die Stilte Van Die MôreVoorbeeld

’n Gebed oor GOD SE BELOFTES

Wanneer ek wonder of God se beloftes in die Bybel vandag van toepassing is op my

Here God, soms voel dit vir my of U ver weg is of selfs irrelevant is vir my daaglikse lewe. 

Maar wanneer ek u beloftes in die Bybel lees, word ek herinner aan die feit dat U allesbehalwe ver weg en afsydig is. U beloof om by my te wees in die vorm van die Heilige Gees. U beloof om my sondes te vergewe, om vir my vrede in my hart en gedagtes te gee, om my laste te dra en om vir my rus te gee. Met U altyd aan my sy, hoef ek nie bang te wees nie. Omdat U my sondes vergewe, hoef ek nie meer skuldig te voel nie. Ek word gedring om versoekings te weerstaan in plaas daarvan om toe te gee daaraan.

God, ek is so dankbaar dat U aanbied om my laste te dra sodat ek vry van kommer en angs kan wees. Ek loof U vir die vrede in my hart en gedagtes wat hierdie beloftes meebring! Dankie, God, dat U al hierdie dinge beloof en dat U getrou u beloftes nakom. Help my om elke dag vas te hou aan u ewige beloftes.