Wat Jesus Gesê Het Oor God Sy VaderVoorbeeld

God openbaar Homself as Vader in Efesiërs

Lees Efesiërs 1:3-6. Hierdie gedeelte beskryf sy verhouding met ons: "Aan God, die Vader van ons Here Jesus Christus, kom al die lof toe! Hy het ons in Christus geseën met al die seëninge van die Gees wat daar in die hemel is. So het Hy, nog voordat die wêreld geskep is, ons in Christus uitverkies om heilig en onberispelik voor Hom te wees. In sy liefde het Hy ons, volgens sy genadige beskikking, toe ook al daarvoor bestem om deur Jesus Christus sy kinders te wees. Daarom moet ons God prys vir sy wonderlike genade wat Hy in die Geliefde vrylik aan ons geskenk het."

"Daarom bid ek vir julle wat nie Jode is nie, ek, Paulus, 'n gevangene deur my diens aan Christus Jesus" (Efesiërs 3:1) ... en "kniel ek in gebed voor die Vader aan wie die hele gemeenskap van gelowiges in die hemel en op die aarde sy bestaan te danke het" (Efesiërs 3:14-15).

Die feit dat ons as mense 'n Vader het, is deel van die wêreldbeskouing van Christene. Mense wat glo dat daar geen God is nie, dat ons deur 'n onbegeleide, onwillekeurige ontwikkelingsproses tot stand gekom het – het geen ruimte vir God nie en dus ook nie vir God as Vader nie. Ateïste, agnostici, deïste en skeptici leef sonder die konsep van 'n Vader (Markus 16:1-7). Dieselfde geld vir Boeddhisme, Hindoeïsme, Islam, sjamanisme, Animisme en alle vorme van panteïsme en mistieke godsdienste.

Die Christelike godsdiens is die enigste godsdiens wat God as 'n Vader openbaar.