Wat Jesus Gesê Het Oor God Sy VaderVoorbeeld

God die Vader in die Ou Testament

Om God "ons Vader" te noem, is nie 'n konsep wat net in die Nuwe Testament gevind word nie. Dit word algemeen in die Ou Testament gebruik – maar nie so prominent as in die Nuwe Testament nie. Jesus en die skrywers van die Nuwe Testament het nie die konsep van 'n Vader "uitgedink" nie.

God verwys dikwels op verskeie plekke na Israel as sy "seun". Dit impliseer dat God Homself as die Vader van Israel sien. Die Vaderskap van God is duidelik te sien in Eksodus 4:22-23. Dit is die eerste plek in die Skrif waar God Homself as die Vader van Israel openbaar: "Dan moet jy vir die farao sê: So sê die Here: Israel is my oudste seun. Ek het vir jou gesê: Laat my seun gaan sodat hy My kan aanbid. Maar jy het geweier om hom te laat gaan, en nou gaan Ek jou oudste seun doodmaak."

Skryf 'n paar kenmerke van God die Vader neer soos Hy Homself in hierdie Skrifgedeeltes openbaar.

Jesaja 64:8 - "U is ons vader, Here, ons is klei en U het ons gevorm, ons is almal die werk van u hande."

Psalm 68:6 – "’n Vader vir weeskinders en ’n beskermer van die reg van weduwees is God in sy heilige woning."

Maleagi 1:6a - "’n Seun eer sy vader en ’n slaaf sy eienaar. As Ek dan vader is, waar is die eer wat My toekom? En as Ek Here is, waar is die eerbied vir My dan? "

Gehoorsaamheid: Lees weer Maleagi 1:6. As God vir jou hierdie vrae sal vra, hoe sal jy Hom antwoord?