Wat Om Vir Jou Kinders Te BidVoorbeeld

Wat om vir jou kinders te bid

Riglyne en Skrifgedeeltes (8)

Bid dat hulle medelye met ander sal hê; dat hulle ander se nood sal raaksien: "Julle is die uitverkore volk van God wat Hy baie liefhet. Daarom moet julle meelewend, goedgesind, nederig, sagmoedig en verdraagsaam wees" (Kolossense 3:12).

Bid dat ons kinders in genade sal groei: “Sorg daarenteen dat julle steeds toeneem in die genade en kennis van ons Here en Verlosser, Jesus Christus. Aan Hom behoort die heerlikheid, nou en tot in ewigheid! Amen” (2 Petrus 3:18).

Bid dat ons kinders vanuit hoop op God en geloof in God sal leef: “Mag God, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees!” (Romeine 15:13).

Bid dat ons kinders die hart van ’n dienskneg sal hê: “Dieselfde gesindheid moet in julle wees wat daar ook in Christus Jesus was: Hy wat in die gestalte van God was, het sy bestaan op Godgelyke wyse nie beskou as iets waaraan Hy Hom moes vasklem nie, maar Hy het Homself verneder deur die gestalte van ’n slaaf aan te neem en aan mense gelyk te word. En toe Hy as mens verskyn het, het Hy Homself verder verneder. Hy was gehoorsaam tot in die dood, ja, die dood aan die kruis” (Filippense 2:5-8).