لشهر دجنبر؛ رحمات جديدة كل صباحعينة

الله سخّر القوى ديال الطبيعة وسيطر على أحدات التاريخ باش ينجّيك. واش هو غيتخلّا عليك دابا في لحضة حتياجك؟

الكتاب المقدس فيه سلسلة ديال القصص. هو ماشي قائمة ديال الشخصيات المتيرة للاهتمام. هو ماشي كتاب دليل ديال علم اللاهوت. هو ماشي كتاب ديال مبادئ حكمة واعرة. قصة وحدة، بطل واحد، كيشكّلو الحبل اللّي كيربط الكتاب المقدس كله مع بعض.

الكتاب المقدس هو في الأساس قصة ديال فداء. هاد القصة ديال الفداء العضيمة، مع ملاحظات الله التفسيرية الأساسية، هي المحتوى الرئيسي ديال كلمة الله. الكتاب المقدس كيوضّح لينا لحتّى فين مشا الله باش يوفّر لينا النجاة. هو تحّكم بالحق في كل حدت في تاريخ البشرية، وبالحق سخّر القوى ديال الطبيعة باش يجي ولده في الوقت المناسب ويعيش ويتألّم ويموت ومن بعد يقوم من الموت باش يعطينا النجاة والخَلاص. هي قصة عجيبة اللّي خاص تعطيك مجموعة تفسيرية لكل حاجة كتواجهها في حياتك في هاد العالم المكسور.

إلا كان الله دار كل هادشي باش يسيطر على أحدات العالم ويضحّي بولده الوحيد، فواش غيكونش منطقي باش يتخلّا عليك في الوقت بين "ديجا" ديال التبرير ديالك و "مازال" ديال تمجيدك النهائي؟ واش منطقي باش يعطيك بضهره دابا؟ واش منطقي يتجاهلك في وقت الإحتياج؟ واش غتدير اللّي في جهدك وتضحّي بكلشي باش تضمن حاجة غالية وعندها قيمة كبيرة ومن بعد، ماتدير والو باش تحافض عليها وتصونها وتحميها؟

حقيقة أنك غالي عند الله هي واضحة حيت هو شراك بتمن غالي. ماكاينش شي تمن يمكن نخلصوه غالي كتر من موت المسيح. ولكن هادا هو بالضبط التّمن اللّي خلصه الله باش يفديني أنا ويّاك. بِما أنه خلّص بحال هاد التّمن، نقدرو نطمئنّو بلّي غيعطي كل قدرته الإلهية ونعمته باش يحمينا، يخلّينا نضجو، يعيلنا، ويحفضنا حتى نهار نكونو معاه في البلاصة فين ماكاينش أخطار الخطيّة والموت. بولس كيقول هادشي بهاد الطريقة:"إلا هو عطانا يسوع فابور، واش ماشي منطقي باش يعطينا حتّى كل ماكنحتاجو؟" (قرا رومية 8: 31-33).

هادشي علاش ماتخلّي أي عدو شرير يهمس لكدوب في ودنيك. ماتخلّيهش يقول ليك راك بوحدك، أولا راك بقيتي وحيد مع المواردك ديالك الخاصة، أولا بلّي الله ماكيسمعكش أولا ماكيهتمش بيك. ماتخلّيش نفسك تشك في حضور الله وفي صلاحه. ماتخلّيش نفسك تتسائل على واش غادي توصل. الله كب القوة دياله باش يخلّيك تكون دياله، وغيستمر يكب قوته باش يحافض عليك ويحميك حتى نهار تكون معاه للأبد في البلاصة فين ماغاديش تحتاج مازال لحمايته حيت العدو الأخير غيكون تحت رجليه.

من أجل دراسة وتشجيع كتر: ملوك التاني 6: 8-17