Өдөр бүрийн чимээгүй цагийг Грэг Лоритой хамтЗагвар

Эцсийн Боломж

Зөв газарт зөв цагт байх талаар ярилцъя. Загалмай дээрх дээрэмчин урхинд орсон нэгэн гэж үзье.

Эхнээсээ л, Есүсийн хоёр талд цовдлогдож байсан гэмт хэрэгтнүүд хоёулаа Түүнийг элэг доог хийж байсан. Гэвч нэг нь ухааран, нөгөөдөө: "Чи адилхан ялд унасан атлаа Бурханаас айхгүй байна уу? Бид үйлдсэн хэргийнхээ төлөө зохих хариуг л авсан. Харин энэ хүн ямар ч буруу юм үйлдээгүй шүү" гэж хэлсэн (Лук 23:40-41).

Тэгээд тэр Есүст, "Есүс ээ, Та Өөрийнхөө хаанчлалд ирэхдээ намайг санаарай" гэж хэлсэн (42-р ишлэл).

Тэгтэл Есүс Түүнд, "Үнэнээр Би чамд хэлье. Өнөөдөр чи Надтай хамт Диваажинд байх болно" гэлээ (42-р ишлэл).

Хэн нэгэнд ямар нэгэн зүйл хэлэхэд тэд ерөөсөө ч ойлгохгүй... ойлгохгүй... бас л ойлгохгүй үе байдаг нь гайхалтай. Тэгээд нэг өдөр тэд ойлгодог. Заримдаа бид нүдээрээ үзэх хэрэгтэй байдаг, тийм биш гэж үү? Ийм л зүйл загалмай дээрх гэмт хэрэгтэнд тохиолдсон юм. Үнэн хэрэгтээ Есүсийн хэн байсныг тэр бүүр сүүлд нь ухаарсан. Пилат үүнд бага зэрэг тусласан. Тэрээр маш үр нөлөөтэй пайзыг бичсэн бөгөад тэр нь Есүсийн толгойны дээд талд хадагдсан. Пайзан дээр, "Энэ бол Иудейчүүдийн Хаан" гэж бичсэн байсан (38-р ишлэл).

Тэгэхээр тэнд Есүстэй хамт цовдлогдож байсан тэр эрэгтэй байсан. Тэрээр бүгдийг биеэрээ амсаж, бүгдийг нүдээрээ харж байсан. Тэрээр бидний Эзэний амнаас нь гарах үгсийг сонссон бөгөөд тэдгээр үгс түүний хатуурсан зүрхийг доргиож байсан. Тэгээд тэрээр яг тэр мөчид итгэсэн.

Тэр хоёр хоёулаа ижил зүйлийг сонссон хэдий ч, нэг нь итгээд харин нөгөө нь итгээгүй. Хоёулаа ямар ч өө сэвгүй бас төгс Христийн үлгэр жишээг харсан. Хоёулаа үхэж байсан бөгөөд хоёуланд нь уучлал хэрэгтэй байсан. Гэсэн хэдий ч нэг нь яг амьдарч байсан шигээ үхсэн: хатуурсан зүрх сэтгэлтэй бас дөжирсөн байдалтайгаар.

Дүгнэлт өгүүлбэр: Хоёулаа өө сэвгүй бас төгс Христтэй уулзсан ч, ганцхан нь л Түүний өршөөлийг хүлээн авсан.

Зохиогчийн эрх © 2012 Харвэст Үйлчлэлд. Бүх эрх хамгаалагдсан.