Известные библейские стихи из Jn 6

Поделиться

Aköbbi gen yi Yëso kinni, “Yɑ bene ópuun nënnì. Ngɑn bï yïɑ pɑ mɑg yi kɑ̈j, o ngɑn-ɑ óyïëy yɑn pɑ wöl ki mɑgø yi röödhø.

Bɑ Wëyi Jwøk ɑ nyi muuj nënnì, de dël bong gïn gwøge. Kwøbb-ɑ ɑ́köbbɑ wun bɑ wëy geki nënnì.

Wu ko nyi göög kipe gïncɑm-ɑ nyi jwɑn rënyø, de göög wun kipe gïncɑm-ɑ pɑ nyi rënyi; eni gïncɑm-ɑ nyi kɑ̈ɑ̈l nënn-ɑ ɑtheer. Nyɑɑr Dhɑnhø, en ɑ ómëggi wun gïncɑmɑni, mɑ́ en ɑ köme ɑ́cïb ngïji yi Jwøk Wïy.”

O møg-ɑ dwɑddi yi Wïyɑ bɑ kinni, tyëng-ɑ ólidh Wɑ̈d, kɑ yïëy yi gen, ge óyïddi ki nënn-ɑ ɑtheer. O ge ótïngɑ mɑl kì cyɑ̈ng-ɑ cyɑ̈n.”

Aløøg mø gen yi Yëso kinni, “Gïn-ɑ dwɑddi yi Jwøk bɑ kinni, yïëyu ngɑn-ɑ ɑ́ör yi en.”

Ngɑn mëggi yɑn yi Wïyɑ óbï yïɑ, o ngɑn-ɑ óbï yïɑ pɑ ryem yi yɑn

Aløøg møge yi Sɑymøn Pïtør kinni, “Wuö, wø kedh-ɑ yï men? Bɑ yïn ɑ yïí di nënn-ɑ ɑtheer.

Yɑn ɑ bɑ gïncɑɑm nënnì men-ɑ ɑ́kɑ̈ɑ̈l mɑl, ngɑn cyɑ̈mø ki gïncɑmɑni, ónëënø gïti ɑtheer. Kidyër, gïncɑm-ɑ ómuuj yi yɑn bɑ dëlɑ. Muuj yi yɑn kɑ per kinni o lɑ̈bø yïdde ki nënnì.”

Bong ngɑn me cuggi bëën yïɑ, e nuti kölli yɑn yi Wïyɑ, ngɑn-ɑ ɑ́ör yɑn. De ngɑn-ɑ óbï yïɑ ótïngɑ mɑl kì cyɑ̈ng-ɑ cyɑ̈n.

Mɑ́ gïncɑm-ɑ nyi muuj yi Jwøk e kɑ̈ɑ̈l-ɑ mɑl, bɑ en ɑ nyi thödhi lɑ̈bø ki nënnì.”

Yɑ bene ópuun nënnì.

Kɑ ópùnɑni kwɑny yi Yëso, ɑpwøje Jwøk, kɑ gï mëgge tyëng-ɑ bëëdø kì piny. Agwøge rij ni menɑni thyew, kɑ teedø oyɑ̈ngø ni kɑ ɑ́dwɑddii yi gen. Kì bɑng kɑ ɑ́yɑ̈ng teedø, ɑköbbe jøbɑnge kinni, “Cøngu nyingi gïncɑm-ɑ ɑ́döng, o bongii gïn lɑ̈ɑ̈ny.”

Kɑ ge kyëw-ɑ keny ni kïlomïtïr ɑ́bïj wɑlɑ̀ ɑ́bïkyel, ɑlidh gen Yëso e ócyɑ̈dhø kì wɑ̈thi pï, e bï-ɑ kun-ɑ di morkɑb, kɑ ge obwøgø. Aköbbi gen yi Yëso kinni, “Bɑ yɑn, wu ko böggi.”