Mavhesi emuBhaibheri Ane Mukurumbira kubva kuna Joawh 3

Pakurirana nevamwe

Mmanawa Kiyavwiye Uhokri batek gikakkis madikte hiyeg mpinevevye. Inneki keh ig ike nernewa gikamkayh adahan ku pariye hiyeg kamaxwevye givitit, ig ka biyuk giw Kiyavwiye Uhokri, heneme ig aymuhwa gimun Kiyavwiye Uhokri adahan avanenekwa.

Ig Kiyavwiye Uhokri awahkis gikamkayh atan kawki adahan gisayreptenkisma hiyeg, heneme adahan gamnihtenkis.

Igme Kiyavwiye Jesus kaytwa giwn: — Ku pahavwi ka wayvuka nukunewa akiw, ig ka hiya igma kawih Uhokri gikumadukan. Ihanaba inakni nuwnuh. Henewatbaki in.

Nikwe ku pariye hiyeg kamaxwenevwi givitit gikamkayh, igkis ka sarayhpiknema hanpa arimkanit biyukwiki. Igkisme ku pariye kane kamaxwa givitit gikamkayh, igkis kuwis ikaksaka adahanikwa biyukwiki mmanawa igkis ka kamaxwa givitit nernewa gikamkayh Kiyavwiye Uhokri.

Ig gikamkayh ayta uguhpiye hiyeg gihiyekemnikis adahan igkis hiyak givathawnikis. Heneme hiyeg ka muwaka ig uguh gihiyekemnikis. Igkis ka muwaka givathawnikis akkaka gitkis. Igkis pi muwakate gihiyekemnikis misakwa ke wotbe abet amisnavyebe mmanawa gikehnikis ka kabay. Ayge nikwe igkis ivukavepkanek hanpa arimkanit biyukwiki ku kiney amisnavye mitibetnene.

Amawka Kiyavwiye Jesus ig navit minan. Nahme amawka warikapte giw.

Hiyeg taraksavye kawnata batek akak kabutniki amadgaya inin. Igkis ka peskere abetit kabutniki mmanawa igkis ka muwaka gitaraksankis hiyakan.

Ku pariye kamaxwevye givitit ner gikamkayh, igi aymuhwa gimun Kiyavwiye Uhokri adahan avanenekwa. Heneme ku pariye ka kamaxwa givitit gikamkayh, igi ka aymuhwati gimun Kiyavwiye Uhokri. Ig patehwevye giwtrik. Ig ka ik adahan ig darihwak gikak. Henewatbaki ig Joawh Batista awna.

— Minikwak amekene Moís aynte amadga amatap. Ayge ig kehe pahavwi kaybune gahehpak akak kuwiwra. Ig mawihpin inut amin pahat ah, adahan gihiyegavu iveg atere kahadbe igkis makniw ariw ku samah igkis kagahptepka gavit kaybune. Nah, ku pariye wageswe awayg amadgaya inin, amawka ku nah hawata ikepkanek aynte inut amin pahat ah.

Ig batekye gikak igi gikamkayh. Ig iki madikte kumadukaki git.