Mavhesi emuBhaibheri Ane Mukurumbira kubva kuna Jn 19

Pakurirana nevamwe

Ənɨ Yeso nyaʼa sɔɔrɨ mɨnoʼ mbe, wɨ̀ nyaʼa ghà ni, “Zɨə fə mì i!” Wɨ̀ nyaʼa ghà əne, tuŋ ətu ə si, Ŋwìə̀ nɨŋ əzwî əməd.

Yeso nyaʼa kyerɨ ni ɨnû jìm fə mì i, əne ɨ ghɨ ni ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ, wɨ̀ nyaʼa ghà ni, “Ədɔʼ ə zɨə ne əmɨ.”

Ənɨ Yeso nyaʼa zə ɨŋgɔb məd bə̀ zə ə̀mə̀ə̀nɨ̀-ɨnû we nɨ wɨ̀ nyaʼa ghaʼi nɨ mbɨ nyaʼa təm əŋgu, wɨ̀ nyaʼa ghà əmbɨ ɨŋgɔb məd ni, “Əyî, zə, wɔ̂ yɨ e wan!” Wɨ̀ nyaʼa bə̀ ghà əmbɨ ə̀mə̀ə̀nɨ̀-ɨnû we ni, “Zə, wɔ̂ yɨ e nɨŋ!” Ɨ kɔ rɨ ənɨ ə nyùmə̀ we, ə̀mə̀ə̀nɨ̀-ɨnû we nyaʼa nɨŋ ɨŋgɔb Yeso wò əkwɨ ni mbɨ məd.

Àyɨə ənɨ mbɨ nyaʼa pè ənɨ Yeso, mbɨ nyaʼa zə ni wɨ̀ fə kwɨ i, əne chəi mbɨ nyaʼa buʼrɨ ɨwu məd. Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Ɨnû mbɔ̂ nyaʼa ghɨ̀ ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ ni, “Chəi mbɨ bɨrɨ buʼrɨ əwu əməd ə mɔʼɔ.” Mbɨ ŋwàʼnɨ̀ ɨŋga əsɨ Ə̀ŋwàʼnɨ̀ ə Ŋwiə̀ ə cherə ni, “Mbɨ bɨrɨ neŋ əməd we nɨ mbɨ nyaʼa zum ənɨ ɨwɔŋ.”

Yeso nyaʼa bèʼ e əzed ə baʼnɨ ziə. Əne mbɨ nyaʼa jwɨ̀ wò əsɨ ze nɨ mbɨ nyaʼə tɔŋ ənɨ Tɨmbin Ɨwɔʼ-ətu. Ɨ mbɨə nyaʼə tɔŋ əsɨ ze ənɨ ɨŋgam Hibrù ni Golgotà.

Mɨ̀sɔgyɨ̀ mbe nyaʼa nɨŋ ɨ̀jə̀ŋɨ̀ kad ɨghabɨ ɨdəm ɨfɔ̀n zɨ ətu ɨ bɔ. Mbɨ nyaʼa bə̀ zɨ ngywɨ̌ ɨfɔ̀n ɨgwɨ məd.