Mavhesi emuBhaibheri Ane Mukurumbira kubva kuna Juan 15

Pakurirana nevamwe

“Ngarud, iyaken ya arig nga kunungan niya lanut niya ubas, ket dakayu diya sangsanga na. Ya naisilpu iyaken, nakasilpu wac met pe̍ igina. Ket adu nad diya maibisic na nga nabaru, ta awan mawangel nu no di yas gapu iyaken.

Dikad pe̍ silalagip kayu kuma ngarud iyaken, nga agten mettas iya pananglaglagip ku nga pe̍yeng dakayu. Ta maiyarig kayu iya isa nga sanga niya lanut, ata ya sanga, madi ngarud makabisic nga ig-igina, no bekken nga naisilpu iya kunungan na. Ket agten kayu pe̍ iyan, ta awan mamaay nu no madi dac laglagipen.

Ngem no silalagip kayu iyaken, se̍ no diya kagic dakayu ya pe̍yeng nu nga laglagipen, maipaay ngarud dakayu ya orey nagan na nga gabay nu nga adngen iya Ama.

Ket tandaanan nu nga bekken nga gapu iya panangpili nu iyaken ya panagbalin nu nga gagayyem kun, no di lugud gapu ta iyaken ya nangpili dakayu. Ket dakayu diya nisaad ku nga eb-ebbonec, tasun adu kuma ya bisic niya panagsirbi nu iyaken, nga itu ya kita bisic nga madi mapukaw. Ket iya agten iyan, ipaay nad niya Ama dakayu ya orey nagan na nga adngen nu igina nga sipapati iya turay ku.

Ket ya kadackellan nga ayat nga maipasingen niya isa nga toley kadiya gagayyem na, ket itu ya panangipalubus na nga mapatey ya beggi na para igida.

Ket iya agten iyan, diya amin nga sanga nga naisilpu iyaken nga madi mamisic, ipac na. Ket diya agbisbisic nga sanga, dalusan na, tasun ad-adu nad ya maibisic da.

Idi ya bilin ku dakayu: Agiinnayat kayu nga agten mettas iya panagayat ku dakayu.

Ta pakaidayawan niya Amac ya panamisic nu ka adu gapu iya panamati nu. Ket itu pe̍ ya panangipasingen nu nga tutu kayu nga pasurut ku.

Ket kinunen ne̍ Je̍sus manin, “Iyaken ya maiyarig iya pudnu nga kunungan niya lanut niya ubas. Ket ya Amac, igina ya agay-aywan kadiya mulmula.

Ket ya madi manglaglagip iyaken, maitemsit ngas nga arig mettas nga isa nga sanga, ket macrit nad ngarudin. Ket diya agten iyan nga sanga, urnungen diya toley, se̍ da ngas itemsit iya apuy, ket mapooran da ngarudin.

“Nibagac didi dakayu ita tasun aglak-am kayu kuma nga pe̍yeng iya panaganggem nga tumaud iyaken, se̍ tasun awan kuma pagkurangan niya anggem nu.

No agtungpal kayu kadiya bilin ku, silalagip kayu met nga pe̍yeng ngin iya panagayat ku dakayu, nga agten mettas ito panangtungpal ku kadiya bilin niya Amac. Ket iya agten iyan, silalagip pac met pe̍ iya ayat na.

“Ngarud, ibilin ku dakayu yani: Agiinnayat kayu,” kunen ne̍ Je̍sus.

No kamkameng nu da kuma, magustuwan da kayu ngarud, ta maibilang kayu ngamin nga kamkameng da. Ngem gapu ta pinili nakayu iyaken nga maidumduma kadiya madi mamati nga uwed idi nga lubung, bekken kayu ngarud nga ilubungin. Itu nga kagura nakayu diya uwed iya lubung.