Mavhesi emuBhaibheri Ane Mukurumbira kubva kuna YOHANET 3

Pakurirana nevamwe

Yì apùnì tì apùnì Ala etawì motok en, inetaùken an noba hìpìrethogoin mene hùgì inebe lopok wa'la'lùk he, nongagì'lek ineluk motok logouagalùk, aput an nebe omakeat tago mene wogisasike.

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

Atì'nogo yogosikomo, at Yesùt en he, mel yogosike: “Apùnì Ala nen inebe hobuk inapotkwe taginapì'lek halok he, at awe a'ma hisikere'ma atoma ineileken hogoin motok lek o, ìlùk, nane eberogoat yogohetì lagì,” ìlùk yogosikomo

Halok, sa nen etaùken an noba hìpìrethiko halok he, Ala nen ùkùm oba hìlìk weagathegein lek meneat he, an nen etaùken an Ala aput omakeat tago mene yì noba hìpìrethìgì'lek atì nenat, weagathegein mene ùkùm arat oba hikomo werek o.

Nen, Ala nen ùkùm inoba hikerek atì re, ebe yì'nogo. An nen lìa hagarinapìrek mene nebe arat kweangma pi wagagi meneat he, apùnì inoabùt weak hagatarek atì nen he, At lìa atì ninabìt o. At he, o mùm atìat walok, ìlùk ina'la akagarek.

Ap atì etagewerek asusak obaat etagewerek agìk, an netage lek asusak obaat, netage lek agìk, igin o,” ìlùk yogoisasike.

Nen, it apùnì weak hagarì'lùgì mene inebe lopok ina'la nen akìkì logolìk he, Nit lìa atì ba logoin halok, nit weak hagatorek mene hukalarìk weinam asinogo, ìlùk, akagaresik, an lìa mene yì inapsìrì nen he, noba wagì'lek kamo egarek.

Halok, sa nen etaùken Ala aput oba hìpìrethìlì'logo halok, ineluk logogun mene ese agasik werek o. Meneat he, sa nen, at aput atì ane holhì'lek obaken nene heraksìlì'logo halok, ineluk motok logogun mene atì ese asigin lek. We, Ala a'mage oba hìlìk logogin o.

Nen, ap Musa o leimo apùnì le'ma atoma logolìk, walo hake hagarogo e ba menhesike atì hak, it apùnì yoma inetaùken an abat ta'lasi wagagi mene yì noba hìpìrethogoin mene hùgì, inebe lopok ineluk motok logouagalùk, an atì'nogoat menhanusak obaat menhanugunat o.

At opase nen aput ebe etaùken hutik logolìk, yì mene tì mene obogat at esewerek logouagalùk wogosike.