Mavhesi emuBhaibheri Ane Mukurumbira kubva kuna Mateu 24

Pakurirana nevamwe

Kaha hakuvula chaupapwoki, zangi yavatu vavavulu nayikahola. Oloze ou mwakakakachila nakutwalililaho mukuunda palanga nakusongo, navakamuyovola.

Kaha ou mujimbu wamwaza wawangana navakawambululanga hakaye hosena kupwa unjiho kumafuchi osena, numbanyi kukuma changonde chikeze.

Kaha namukevwa majita namangwavo amajita. Nyingililenunga, kanda namukalizakaminako, mwomwo evi kuvanga vikasoloke, oloze kukuma changonde eyi chichili kanda.

Mwomwo lifuchi nalikafumbukila lifuchi likwavo, wangana naukafumbukila wangana ukwavo, kaha nakukapwa zala yakalombolombo namindenda kujingalila jeka najeka. Oloze vyosena evi navikapwa kaha kuputuka chamisongo yakusema.

Lilu namavu navikahita, oloze Mazu ami kaweshi kukahitako.

Mwomwo vavavulu navakeza mulijina lyami nakwamba ngwavo, Yami Kulishitu, kaha navakahungumwisa vavavulu.

Halwola luze navakamihana kumavoko avaka-kumiyanjisa, navakamijiha, navakamihunga kuli vaka-mafuchi osena halijina lyami. Kaha haze vene, vavavulu navakaseza vyalufwelelo, nakulihana umwe namukwavo kumavoko avaka-kole, nakulihunga mwavo mwavo. Kaha nakukakatuka vaka-kulyongela upolofweto vavavulu nakuhungumwisa vavavulu.

Kaha Yesu avakumbulwile ngwenyi, Nyingililenunga kuchina nakukapwa umwe mwakamihungumwisa.

Shikaho nayenu nawa pwenunga muvakulizánga, mwomwo Mwanamutu mweza halwola munazeneka kutachikiza.

Shikaho tonenunga, mwomwo kamwatachikijile likumbi mwakeza Mwata wenuko.

Oloze hakuvuluka likumbi kana chipwe lwola, naumwe wauchi navitachikiza, chipwe vangelo vamwilu chipwe MwanaKalunga, shina Ise kaha.

Mwomwo nakukalovoka vaka-kulyongela ukulishitu navaka-kulyongela upolofweto, navakalinga vinjikizo vyavinene navyakukomwesa, mangana nge chinahase, vakahungumwise navaze vasakula.

Mwomwo ngana muze chapwile hamakumbi aNowa, mukiko nachikapwa nawa kwiza chaMwanamutu. Mwomwo ngana muze chapwile hamakumbi aze shimbu kanda livaji — valilenga nakunwa, vambachilenga, vahangishilenga mapwevo, palanga nakulikumbi lize engilile Nowa muwato, kaha kavatachikijileko palanga nomu lyejile livaji nakunongesa vosena, mukiko nachikapwa nawa kwiza chaMwanamutu.