Mavhesi emuBhaibheri Ane Mukurumbira kubva kuna Juan 19

Pakurirana nevamwe

Hesu ho’u rire pe víno hái he’i: Oikopáma, ha oñakãitývo ojehekýi ipytu.

Ko’ã mba’e rire Hesu oikuaávo opaite mba’e oikomaha ojehai haichaite Ñanderuete kuatiañe’ẽme he’i: Chey’uhéi.

Ha Hesu ohechávo isýpe ha ijypýpe hemimbo’e, Ha’e ohayhúvape, he’i isýpe: Nde kuñakarai, péina pépe ne memby. Upéi he’i hemimbo’épe: Péina pépe nde sy, ha upete guive pe temimbo’e péva ogueraha Hesu sýpe hógape.

Oñembojávo Hesu rendápe katu, ohecha hikuái Ha’e omanomaha, ha upévare nomopẽi hetymakuéra. Peteĩ soldádo oikutu Hesu rete yképe ijyvyra puku akua apỹime, oĩháme kyse haimbe’e jováiva, ha ojekutu haguégui osẽ tuguy y reheve.

Ko’ã mba’e ojehu oiko hag̃ua opaite mba’e ojehaiva’ekue Ñanderuete kuatiañe’ẽme: Ikanguekuéra noñemopẽmo’ãi, (Éxodo 12,46). Ambue ñe’ẽ he’i avei: Oma’ẽva’erã hikuái pe oikutuva’ekue rehe, (Zacarías 12,10).

Ha ojapyhy hikuái Hesúpe ogueraha hag̃ua pe tenda oñembohérava Akãnguépe, hebreoygua ñe’ẽme oje’e Gólgota. Hesu voi katu ogueraha ikurusu.

Ha umi soldádo oñopẽ (ojapo) ñuatĩgui peteĩ coróna ha omoĩ Hesu akãre, ha omonde ichupe peteĩ póncho purpuraguigua, tetã ruvicha oiporuvaichagua oñembohorývo hese.