Mavhesi emuBhaibheri Ane Mukurumbira kubva kuna Lúcas 12

Pakurirana nevamwe

Upévare peñembosako’i porãke peẽ avei, pe yvyarigua Ra’y ou jeýta peteĩ hóra peẽ peimo’ã’ỹta jave.

Peheka raẽ uvei Ñanderuete retãguasu oñembotuichave ohóvo, ha opaite ambue mba’e peẽ peikotevẽva guive peikove hag̃ua, oñeme’ẽta katuete peẽme.

Ha he’ive ichupekuéra: Pema’ẽke ha peñeñangarekókena opaichagua mba’epota potavégui, avave ndohupitýi pe tekove añeteguáva imba’eita rupi.

Pene mba’eita térã pirapire oĩháme, upepete oĩva’erã avei pende py’apy (pensamientokuéra).

Mávapa pende apytégui ojepy’apy haguére ikatu ombopukuve hekove arakuéra peteĩ hórami jepe.

Upéi Hesu he’i hemimbo’ekuérape: Upévare, Che ha’e peẽme: Ani pejepy’apy pende rekove ko’ag̃agua rehe, mba’épa pe’úta térã mba’éichapa peñemondéta.

Opaite pene akã rague jepe ojepapáma, upévare ani pekyhyje, peẽ pende repyve (pevaleve) heta guyra’ígui.

Ani pekyhyjétei peẽ, Ñanderuete iglesiayguakuéra napenderetái ramojepe, pende Ruete voi ome’ẽta peẽme hetãguasu.

Pema’ẽnte yryvukuéra rehe, ndaikokuéi oñotỹ térã omono’õ hag̃ua, nahendag̃uái oñongatu hag̃ua hembi’u, ha upeichavéramo jepe Ñanderuete omongaru ichupekuéra. Peẽ ningo pevaleve umi guyrágui.

Upévare anítei peiko jepy’apy poguýpe, peñeha’ãvo peikuaa hag̃ua mba’épa pe’úta ha mba’épa pey’úta.

Ñanderuete omonde porãite ramo umi yvoty umíva, ko ára kóvape ipoty porãitéva, ha ko’ẽrõ katu ipirúgui ojehapypa. Ko’ýteve Ha’e oñangareko porãvéta penderehe, peẽ pejeroviáva rehe.

Ndaipóri mba’eve oñemíva, ojehecha’ỹva’erã, térã okañýva, ojekuaa’ỹva’erã.