Mavhesi emuBhaibheri Ane Mukurumbira kubva kuna Yoáni 15

Pakurirana nevamwe

Eya, nende ɓea me á mujabíbu ndɔɔ. Ɓonde gǎkɛ ɓea ntabi í. Mmbé aiki suɓi ani, néoika suɓi akɛ, agɔmbande phɛɛ ka měma. Nga, ɓókótɔtɔkisɛku ka kema aoɓá na ɓókó tɔ kimoci n'eme.

Ikani suɓi ani, n'eme, neikɛ phɔtɔ suɓi anu. Ntabi nnaɔgɔmba sasakɛ na kájúkani na me á mujabíbu. Ɓo phɔtɔ ɓó. Nga, ɓókó phɔtɔ ɔtɔka na ɓɔgɔmbi ka měma, aoɓá na ɓókóiki suɓi ani.

Aoɓá na ɓoiki suɓi ani, nyɔngɔ nɛmɔ n'aiki suɓi anu, cɔ, mɛmani kema bui nde ɓokondi, na ɓɔtɔande.

Ɓókómɔsɔmbu, eme aámbé nɛnɔsɔmbu ndiu, na néonoteka ka gea, ɓógɛgɔmbisɛ mbuka á ka měma, nnde aoiphia phɛɛ. Kaɓondɔ, Abɛ anóphande kema bui nnde ɓɔmɛmande yɛ k'ína ani.

Nna na nkpa nde ana ekondi ángbó phɛɛ, kɔnyɛ́nya mmbé aɓeeki kukuwa ka phɔa ɓadakɛ.

Aotena ntabi bui nnde ajúkani n'eme na nnaɔgɔmba. A gǎkɛ ɔɓɔngisiaga nnde aɔgɔmba ka gea te, ágɔmbɛ goto phɛɛ.

Ɛɔphi nɛmɔ a ɓe: Kondanagani sɔsɔɓɛ anu, ɓíndɔ ɗénókondi.

Aoɓá na ɓɔgɔmbi phɛɛ ka měma, ɓánɗokomisande Abɛ, na ɓoɓande ɓagoigi nɛmɔ ɗoni.

Nende mujabíbu á ɗoni, Abɛ ande gǎkɛ ngubi.

Mmbé káiki suɓi ani, ande ɓea ntabi nde ɓáteni, ɓáomaka, áɔɔmɔkaka. Mpɔ, ɓáoɓoa ntabi nde aɔmɔkaki, ɓaómaka ka nsa, áosiɗa.

Ɗɛ́nɔtɔ̌mi nndɔ ka gea, maseye nɛmɔ áikɛ suɓi anu, maseye nɛnu átɔtɔkɛanɛ phɔtɔ phɛɛ.

Aoɓá na ɓoambi ɛɔphi nɛmɔ, ɓoikande k'ékondi nɛmɔ, ɓíndɔ ɗéambi ɛɔphi ndea Abɛ na ika k'ékondi nɛkɛ.

Cɔ, ɛɔphi nde nenósosi ande gea, Kondanagani sɔsɔɓɛ anu.

Ɓotúoɓá ɓato á ka mokonda, ámbé ɓánokondigi. Ɓato á ka mokonda ɓánokangei gǎkɛ ka nyɔngɔ nde, nɛnɔsɔmbu, néonotokisa sɔsɔɓɛ aɓɔ.