Mavhesi emuBhaibheri Ane Mukurumbira kubva kuna Jowǎ̤ni̤ 15

Pakurirana nevamwe

“He mî̌ sobîmṳ, sî mî̌ aphò toǒ. Kòyò htě a ǒměǒgle kû̌ta he tacǎnǔpa, dě he ǒměǒgle kû̌ta asî tacǎnǔpanu, asî sǎhtò̌phohtò̌ plṳ̂ pě. Ma̤tè̤hî̌dě sî dè ǒ tucu ta he tò̤ hî̌nu, sî ma̤jò ta̤dǐcǎ꤮ tò̤.

He ǒměǒgle ta sî tacǎnǔpa, dě sî ǒměǒgle ta he tacǎnǔpa pě. Sobîphò tòphòphò htě a shǒtǒhtu ta he tò̤nu, a sǎhtò̌jò tû̌ ana̤ dǐphò̌꤮ tò̤. Hǐnudě sî glè ǒměǒgle ta he tacǎnǔpa tò̤ hî̌nu, sî sǎhtò̌bò̌jò sǒsǎ htě a mî̌ ama̤ta̤wǒ htǒonu dǐpwǎ̤꤮ tò̤.

Sî dè ǒměǒgle kû̌ta he tacǎnǔpanu, dě hele̤heyo̤ dè ǒměǒgle kû̌ta sî tacǎnǔpa dèhî̌dě sî sò̌yṳkwi titètè̌ bǎbǎnu, he ǐ sî pě.

Sî wû̌lǎhtò̌ he mè̤tò̤. He wû̌lǎhtò̌ sî, he bè̌htò̌ sî dě sî glè hǎhtò̌cû̌ lǒkho ta cû̌ sǎhtò̌phohtò̌ plṳ̂ lǒkho. He bè̌htò̌ sî ta sî glè sǎměhtuto̤ lǒkho dě agutṳ. Sî dè ma̤hǐnu hî̌mî̌ sî kwi titètè̌ bǎbǎ, sî dè kwi ta hemi̤ hî̌nu, pha ǐ sî pě.

Ta̤mo̤ǐ htě adû̌khlo ta kòyò tapwa̤pwa̤ dě a khòsikè asò̌ ta a khobǒsû̌ toǒ ayanu a ǒpetò̤ hǒ.

Sobîphò htě a tucu ta he dě asǎapho htò̌tò̤ toǒnu, a pe̤kèbò nû̌ûpě. Aphò htě asǎaphohtò̌ toǒnu bǎbǎ, ma̤pûhǐ a bǎ sǎhtò̌ dû̌htò̌po̤ ayanu, a khlělîbòlè̌ nû̌ûphò toǒ.

Mo̤ǐ nû̌û tapwa̤ ta tapwa̤ pwǐ he mo̤ǐ sî htǒonu nî̌꤮, htǒomî̌ he ta̤mǎlò̤ hǒ.

Dě sî sǎhtò̌phohtò̌ plṳ̂ sǒsǎ htě a mî̌ ama̤ta̤wǒ htǒotoǒ akhû̌akhî, hepha asîrîdû̌sîrîhtû ǒlṳhtò̌ pě. Dě sî sǎhtò̌plṳ̂ hǐnu akhû̌akhî, sî dǔlṳ ta sî htû he khophijaû̌ toǒ hǒ.

“He mî̌ sobîmṳ mè̤mè̤̌ tṳmṳ, hepha mî̌ we̤běcǎ.

Kòyò tapwa̤pwa̤ a ǒměǒgle kû̌ta he tacǎnǔpa tò̤nu, alò̤ta sǒphò htě kò wîhǎhtò̌kè yǎ dě akhlo, ta a nokhwekè pwǎ toǒnu. Sǒphò hǐnu toǒnu, kò htǔplǒ yǎ dě kò wînṳkè nû̌û mî̌kla dě kò shû̌gèkè pwǎ yǎ.

Ma̤pûhǐ sî sò̌le̤sò̌lò̤ sǒsǒkû̌pû pwǐ he sò̌le̤sò̌lò̤ htǒo ayanu, he pwe̤ǐlṳ bǎ sî hǒ.

Sî dè gana̤de jûle̤phî̌yo̤ he ta̤mǎlò̤ htǒotoǒ hî̌numî̌ sî ǒměǒgle he ta̤mo̤ǐ akû hǒ. Sî dè ma̤ htǒo hî̌numî̌ a sǒsǒta he gana̤de hepha ayo̤ dě he ǒměǒgle a ta̤mo̤ǐkû htǒonu hǒ.

He ta̤mǎlò̤ htǒonumî̌ mè̤hǒ mo̤ǐ nû̌û tapwa̤ ta tapwa̤nu hǒ.”

Sî dè sǒsǒta kòyòhǎkhû̌phû̌ htǒotoǒ hî̌nu, a mo̤ǐ sî pwǐ asî kòyò tû̌nu toǒ pě. Pwǎ̤ta sî dě, sî khǒtû̌ta asî hǒ. He wû̌htò̌khǒkè sî dě kòyòhǎkhû̌phû̌ toǒ akla hǒ. Asî sò̌khě sî akòshî̌kòtṳ mî̌ mî̌pwǎ sî khǒtû̌ta asî hǒ. Htohǒtò̤ he wû̌htò̌khǒkè sî ta asî htǒo akhû̌akhî, asî sò̌khěkhû̌khwè sî hǒ.