Mistari Maarufu ya Biblia kutoka MATEO 6

Shirikisha

Jaꞌ me xꞌawajwalinik nailuk te Diose sok oꞌtantayaik spasel te tut ya skꞌan yoꞌtan stukele. Ya me yaꞌbelex spisil te tut ya xtuun awuꞌunike.

Ma me xꞌawakꞌ yajtal awoꞌtanik yuꞌun te tut ayex te pajele. Stukel a me yil sba te pajele. Tey a te jayeꞌ swokolil te jujun kꞌaale.

“Jaꞌ yuꞌun ya kalbeyex, ma me xꞌawakꞌ yajtal awoꞌtanik yuꞌun te tut ya aweꞌ ya awuchꞌik te kuxulex ta balmilale, sok te ya ata akꞌuꞌ-apakꞌike. Maꞌ jaꞌuk tulan skꞌoplal te aweꞌelike. Jaꞌ tulan skꞌoplal te akuxlejalike. Sok ma jaꞌuk tulan skꞌoplal te akꞌuꞌ-apakꞌike. Jaꞌ tulan skꞌoplal te atiꞌbalulike.

Yan te kꞌalal ya akꞌoponik te Dios te jaꞌexe, ochan ta yut na, tsꞌusa te puertae. Teꞌ xꞌakꞌoponik a te jTatike te soyinejex stukele. Jich te jTatike ya yil te tutꞌil mukul nax ya apasike ya me yaꞌbeyex amajtanik.

“Te jaꞌexe, jich me xꞌakꞌoponik te Diose: “Jtatik Dios te ayat ta chꞌulchane, a me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

Aꞌbotik me tal te tutik ya jweꞌtik te jujun kꞌaale.

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

“Jich teme ya apasbey perdon te machꞌa ay smul ta atojole, jich te jTatik te ay ta chꞌulchane ya me spasbeyat perdon yuꞌun amul euk.

Ilawilik te tut kuxulik te teꞌtikil mute. Ni makꞌ stsꞌunbajik, ni makꞌ xkꞌajojinik, ni maꞌyuk yawil yiximik. Pero to ya kalbeyex, te jTatik te ay ta chꞌulchane ya smakꞌlin spisil. Te jaꞌexe mas tulan akꞌoplalik ke te teꞌtikil mute.

“Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike. Jaꞌ lek tsoba akꞌulejalik ta chꞌulchan te ba makꞌ xjochꞌube sok te ba makꞌ stsaꞌube, sok ba makꞌ xꞌoch jꞌelekꞌetike. Jich te ba kꞌejbilix te akꞌulejalike tey me ay ekꞌa te awoꞌtanike.

“Ni jtul maꞌyuk machꞌa ya xjuꞌ yuꞌun ya yakꞌ sba ta abatinel yuꞌun te cheb ajwaliletike. Tem jiche, jaꞌ ya spꞌaj te jtule, yan te jtul xane kꞌux ta yoꞌtan stukel. Te jtule jun yoꞌtan ta stojol, pero ya spꞌaj te yane. Jich te jaꞌexe ma xjuꞌ awuꞌunik te ya awakꞌ abaik ta abatinel yuꞌun Dios teme jaꞌ snitojex te akꞌulejalike.

Jich teme Dios la yakꞌ te ben tsaꞌam te nichimetik ta witse te jun nax kꞌaal kuxule y pajel ya yichꞌix chikꞌel a, ¿me yuꞌun wan ma jichuk ya skꞌuꞌultesex te jaꞌexe? ¿Tuꞌun te ma xchꞌuun awoꞌtanike?

Yan te jaꞌexe, teme ay tut ya akꞌebenbeyik meꞌbaetike, ma me machꞌa xꞌawalbe te kꞌalal ya awakꞌike. Mukul nax me xꞌawakꞌik. Y te jTatik ya yil te tutꞌil mukul nax ya apasike, ya me yaꞌbeyex amajtanik.

“Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi. “Yan te jaꞌexe te tut ora ya akom aweꞌelike, chapa abaik, tesa ajolik, y poka asitik. Jich ma chikanuk ya yil a te genteetike te akomoj aweꞌele. Jaꞌ nax ya snaꞌ stukel te jTatik te soyinejexe. Jaꞌ me ya yaꞌbeyex amajtanik yuꞌun.