Soma Biblia Kila Siku Agosti 2021Mfano

Mungu anatimiza ahadi ya kuwapa Israeli nchi ya ahadi kuimiliki. Kwanza anaonesha mipaka ya nchi iliyokombolewa (47:13-23), kisha mgawanyo wa koo ndani ya nchi husika (48:1-29). Mipaka hulingana na nchi ya Kanaani kama mipaka yake ilivyo (ukipenda unaweza kulinganisha na Hes 34:1-12). Kati ya majina mengi ya mahali na ya watu, tukumbuke habari mbili: 1) Nchi itagawanywa sawa kati ya watu: Mtaimiliki, mtu huyu sawasawa na huyu (m.14). 2) Kutakuwa na nafasi kwa wageni: Itakuwa, mgeni akaaye katika kabila iwayo yote, atapewa urithi katika kabila asema Bwana MUNGU (m.23) – kama sisi ambao sio Waisraeli kwa kuzaliwa. Bwana asifiwe kwa huruma yake.