Soma Biblia Kila Siku Agosti 2021Mfano

Yesu anajua kuwa anauendea wakati mgumu ambao wanafunzi hawawezi kustahimili kufanya mkesha naye: Yesu akawaambia, Mtakunguwazwa ninyi nyote kwa ajili yangu usiku huu; kwa kuwa imeandikwa, Nitampiga mchungaji, na kondoo watatawanyika (m.27). Yesu anajua kuwa watamwacha. Maombi yake mlimani yanaonyesha kazi kubwa anayoiendea msalabani. Roho i radhi, lakini mwili unaogopa kuendea mateso. Hapa tunajifunza kuwa wakati wa shida na huzuni tumtegemee Mungu kwa njia ya maombi. Yesu alijua kwamba atakufa na kufufuka, ndiyo maana anawaambia wanafunzi atawatangulia kwenda Galilaya. Tunatakiwa kusimama imara hata wakati wa mateso.