Soma Biblia Kila Siku Julai 2023Mfano

Fungu hili la maneno linatupa mambo matatu aliyopata kuyaona Amosi kuhusu hukumu ya Mungu: Nzige, moto na timazi. Nabii alipowaombea watu wake, nzige na moto zilikoma. Naye akaendelea kuwaombea mpaka Mungu aliposema,Sitawahurumia tena(m.8 tafsiri ya NENO; timazi ni mfano wa kupima kama watu wana unyofu wa maisha). Mungu anatusihi maombezi yafanyike kwa ajili ya watu wote ili uwepo utulivu na amani nchini, nao waokolewe. Anasema,Kabla ya mambo yote, nataka dua, na sala, na maombezi, na shukrani, zifanyike kwa ajili ya watu wote; kwa ajili ya wafalme na wote wenye mamlaka, tuishi maisha ya utulivu na amani, katika utauwa wote na ustahivu. Hili ni zuri, nalo lakubalika mbele za Mungu Mwokozi wetu; ambaye hutaka watu wote waokolewe, na kupata kujua yaliyo kweli(1 Tim 2:1-4). Ni wajibu wa watu wateule kuombea taifa lao mambo hayo.