Soma Biblia Kila Siku 03/2024Mfano

Katika Yesu Kristo sheria ya ukuhani wa kurithi imebatilishwa. Ile sheria haikuwa kamilifu, maana ilikuwa na mapungufu. Dhabihu ya upatanisho ilitolewa kila mwaka, tena ilikuwa ya mnyama. Yesu alitoa maisha yake, yakawa dhabihu ya mara moja tu kwa watu wote na wakati wote. Makuhani wale wa sheria ya Haruni walikuwa na ukomo, maana walikufa, na ikabidi wengine wachukue nafasi zao. Yesu yu hai milele. Ni Kuhani Mkuu wa milele. Tena ukuhani wake umewekwa kwa kiapo cha Mungu (m.21,Wale walifanywa makuhani pasipo kiapo, bali yeye [Yesu], pamoja na kiapo, kwa yeye aliyemwambia, Bwana ameapa wala hataghairi, Wewe u kuhani milele).