Hanapin Ang Kaligayahan Kay Kristo (Serye 1)Halimbawa

Ang Maligayang Tao Ay Ang Mga Taong Tumutulong Sa Kapwa

Gawin sa inyong kapwa ang gusto ninyong gawin nila sa inyo. Ganyan ang tamang pagsunod sa Kautusan ni Moises at sa mga isinulat ng mga propeta. (Mat 7:12)

Si Bernard Rimland, isang direktor ng Institute for Research on Child Attitudes, ay nagsagawa ng pag-aaral sa prinsipyo ng Golden Rule. Nalaman ni Rimland na “Ang pinakamasayang tao ay ang mga taong tumutulong sa iba.” Ang lahat ng kasama sa imbestigasyon ay hiniling na ilista ang mga pangalan ng 10 tao na kilala nila upang matukoy kung sila ay maligayang tao o hindi. Binasa nilang muli ang listahan at tinutukoy ang bawat tao sa listahan kung kabilang sa makasarili o hindi makasarili, gamit ang sumusunod na kahulugan bilang depinisyon ng pagkamakasarili: isang matatag na ugali na itinatalaga ang oras at mga pag-aari para sa interes at kapakanan ng isang tao – ang hindi pagnanais na magkaroon ng problema para sa kapakanan ng iba.” Nang i-classify ang mga resulta ng pagsisiyasat, nalaman ni Rimland na ang mga taong binansagan bilang maligayang tao ay yaong mga binansagan din bilang hindi makasarili. Isinulat niya na ang mga “taong nakatuon lamang para sa pansariling kasiyahan… ay hindi gaanong masaya kumpara sa mga taong naghahangad na tulungan ang iba.” Nagtapos si Rimland, “Gawin mo sa iba ang gusto mong gawin nila sa iyo.”

Pagninilay: Isang susi upang maranasan ang tunay na kaligayahan (matatagpuan natin ito kay Hesus) ay ang pagiging di-makasarili. Mahalin mo ang iyong kapwa gaya ng pagmamahal mo sa iyong sarili. Kung gusto mong tratuhin ka ng ganyan ng iba, gawin mo muna ito sa iba. Sa ganitong paraan, mararanasan mo ang makalangit na kagalakan na hindi kailanman makukuha ng iba.

Dumarating ang tunay na kagalakan kapag gumawa ka ng positibong pagbabago sa buhay ng ibang tao, tulungan mo silang makamit ang kanilang mga layunin at pangarap.

(Zig Ziglar)