Популярні біблійні вірші з ယူဝ်း 6

Поділитись

ၸဝ်ႈ​ယေႇသု၊ မွၵ်ႇလၢတ်ႈ​လႄႈ​ဝႃႈ၊ “ၵဝ်​ပဵၼ်​ၶဝ်ႈမုၼ်း​ဢသၢၵ်ႈ​ဢေႃႈ။ ၵေႃႉ​ဢၼ်​မႃး​တီႈ​ၵဝ်​ၼၼ်ႉ၊တၵ်း​ဢမ်ႇ​တွၼ်ႉ​လႆႈ​ဢိုပ်း​တင်း​ၵိၼ်။ ၵေႃႉ​ဢၼ်​ယုမ်ႇမၢတ်ႈ​ၵဝ်​ၼၼ်ႉ တၵ်း​ဢမ်ႇ​တွၼ်ႉ​လႆႈ​တွင်ႉမႆႈ​ၼမ်ႉ​ယဝ်ႉ။

ဝိၺိၺ်ႇ​ၸဝ်ႈ​ၵူၺ်း​ႁႂ်ႈ​ဢသၢၵ်ႈလိပ်း​ဢေႃႈ။ တၼ်းၶူဝ်း​ၵူၼ်း​ၸမ်ႉ၊ဢမ်ႇ​တၢတ်ႈၼိူင်ႇ​လႆႈ​လႃးလႃး။ ၵႂၢမ်း​ၸိူဝ်း​ဢၼ်​ၵဝ်​လၢတ်ႈ​တီႈ​သူ​ၼႆႉ၊ပဵၼ်​ၸႂ်ဝိၺိၺ်ႇ​တင်း​ဢသၢၵ်ႈ​ဢေႃႈ။

ယႃႇပေ​သၢင်ႈ​ႁဵတ်း​ပုၼ်ႈ​တၢင်းၵိၼ်​ဢၼ်​ၸၢင်ႈ​လု​ၸၢင်ႈ​လႅဝ်​လႄႈ၊ၵႆႉ​ၶတ်းၸႂ်​ႁႂ်ႈလႆႈ​တၢင်းၵိၼ်​ဢၼ်​ၸၢင်ႈ​တႄႇ​ယူႇ​ထူၼ်ႈ​ၸူဝ်ႈ​ထႃႇဝရႃႉ​ဢသၢၵ်ႈ​တႃႉ။ တၢင်းၵိၼ်​မဵဝ်း​ၼႆႉ​ လုၵ်ႈၵူၼ်း၊ တၵ်း​ပၼ်​သူ​ၵွပ်ႈပိူဝ်ႈ​ၽြႃး​ပေႃႈၸဝ်ႈ​တွၵ်ႇၸုမ်ႈ​ဢၼ်​ႁု​မၢတ်ႈ​ဢဝ်​မၼ်းၸဝ်ႈ​ၼၼ်ႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ပေႃႈၸဝ်ႈ​ၵဝ်​မီး​ဢလူဝ်ႇ​ၸမ်ႉ၊ပဵၼ်​တၢင်း​ဢၼ်​ၶႂ်ႈႁႂ်ႈ​ၶဝ်​ၸိူဝ်း​ဢၼ်​လႆႈ​ႁၼ်​လုၵ်ႈၸဝ်ႈ​လႄႈ​ယုမ်ႇမၢတ်ႈ​မၼ်းၸဝ်ႈ​ၵူႈၵေႃႉၵူႈၵူၼ်း​တၵ်း​လႆႈ​ဢသၢၵ်ႈ​ထႃႇဝရႃႉ​ၼၼ်ႉ​ဢေႃႈ။ ၵဝ်​ၵေႃႈ​တၵ်း​ႁႂ်ႈ​ၶဝ်​လုၵ်ႉၶိုၼ်းလိပ်း​မႃး​ၼႂ်း​ဝၼ်း​ၵမ်းလိုၼ်းသုတ်း​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ဢလူဝ်ႇ​ၽြႃးပဵၼ်ၸဝ်ႈ​ဢၼ်​ၶႂ်ႈႁႂ်ႈ​သူ​ၵမ်ၵျၢင်ႉ​ၸမ်ႉ၊ႁႂ်ႈ​ယုမ်ႇမၢတ်ႈ​ဢိင်ပိုင်ႈ​တီႈ​ၵေႃႉ​ဢၼ်​မၼ်းၸဝ်ႈ​ပွႆႇၸႂ်ႉ​မႃး​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ဢၼ်​ပေႃႈၸဝ်ႈ​ပၼ်​ၵဝ်​ဝႆႉ​တင်းသဵင်ႈတင်းလူင်​တၵ်း​မႃး​ၵႃႈတီႈ​ၵဝ်​လႄႈ၊ၵေႃႉ​ဢၼ်​မႃး​ၵႃႈတီႈ​ၵဝ်​ၼၼ်ႉ၊ၵဝ်​တၵ်း​ဢမ်ႇ​ၸုၼ်ႉ​ဢမ်ႇ​ပႄႇပႅတ်ႈ​မၼ်း​လႃးလႃး။

သိမုၼ်ႇ​ပေႇတရု၊ ၵေႃႈ လဝ်ႈလၢတ်ႈ​လႄႈ​ဝႃႈ၊ “ၸဝ်ႈၽြႃး​တီႈၶႃႈ။ ႁဝ်းၶႃႈ​တေ​ၸၢင်ႈ​ၵႂႃႇၸူး​ၽူႈလႂ်​ၶႃႈ။ ၸဝ်ႈ​ႁဝ်း​မီး​ၵႂၢမ်း​ဢၼ်​တၵ်း​ပၼ်​ဢသၢၵ်ႈ​ထႃႇဝရႃႉ​ဢေႃႈ။

ၵဝ်​ပဵၼ်​ၶဝ်ႈမုၼ်း​ဢၼ်​ဢသၢၵ်ႈလိပ်း​ယူႇ၊ဢၼ်​လုၵ်ႉ​သေ​ၵႃႈၼိူဝ်​ၵၢင်ႁၢဝ်​မႃး​ၼၼ်ႉ​ဢေႃႈ။ ၵေႃႉလႂ်​ၵူၼ်း​လႂ်​သေဢမ်ႇဝႃႈ၊ပေႃး​ၵိၼ်​ၶဝ်ႈမုၼ်း​ၼႆႉ​ၸိုင်၊တၵ်း​ဢသၢၵ်ႈလိပ်း​ယူႇ​တႃႇသေႇ​ဢေႃႈ။ ၶဝ်ႈမုၼ်း​ဢၼ်​ၵဝ်​ၸုၼ်ႉ​ပၼ်​ပုၼ်ႈ​ဢသၢၵ်ႈ​ၵူၼ်းလေႃးၵီႇ​တင်းလၢႆ​ၼၼ်ႉ​ၸမ်ႉ၊ပဵၼ်​ၼိူဝ်ႉ​ၵဝ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ပေႃး​ဝႃႈ၊ပေႃႈၸဝ်ႈ​ဢၼ်​ပွႆႇၸႂ်ႉ​ၵဝ်​မႃး​ၼၼ်ႉ၊ယင်း​ဢမ်ႇ​ဢဝ်​ၶဝ်​မႃး​ၸူး​ၵဝ်​ၸိုင်၊ၽူႈလႂ်​ၵေႃႈ​ဢမ်ႇ​မႃး​ၵႃႈတီႈ​ၵဝ်​လႆႈ​သေၵေႃႉသေၵူၼ်း။ ၵေႃႉ​ဢၼ်​မႃး​ၸူး​ၵဝ်​ၼၼ်ႉ ၵဝ်​တၵ်း​ႁႂ်ႈ​လုၵ်ႉၶိုၼ်းလိပ်း​မႃး​ၼႂ်း​ဝၼ်း​ၵမ်းလိုၼ်းသုတ်း​ၼၼ်ႉ​ဢေႃႈ။

လွင်ႈ​မၼ်း​ၸမ်ႉ၊ၶဝ်ႈမုၼ်း​ၽြႃးပဵၼ်ၸဝ်ႈ​ၼၼ်ႉ၊ပဵၼ်​ၵေႃႉ​ဢၼ်​လုၵ်ႉ​သေ​ၵႃႈတီႈ​ၵၢင်ႁၢဝ်​မႃး​လႄႈ ပၼ်​ဢသၢၵ်ႈ​တီႈ​ၵူၼ်းလေႃးၵီႇ​တင်းလၢႆ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၵဝ်​ပဵၼ်​ၶဝ်ႈမုၼ်း​ဢသၢၵ်ႈ​ဢေႃႈ။- ပူႇမွၼ်ႇ​သူ​ၸိူဝ်း​ၼၼ်ႉ​လႆႈ​ၵိၼ်​ၶဝ်ႈမုၼ်း​မၼ်ႇၼႃႉ​ၵႃႈၼႂ်း​ထိူၼ်ႇလႅင်ႉ​သေၵေႃႈ​လႆႈ​တၢႆ​ၵႂႃႇ​ယဝ်ႉ​ဢေႃႈ။

ၸဝ်ႈ​ယေႇသု၊ ၵေႃႈ​ဢဝ်​ၶဝ်ႈမုၼ်း​ၼၼ်ႉ​ယွင်ႈယေႃး​တၢင်ႇၵျေးၸူး​ၽြႃးပဵၼ်ၸဝ်ႈ​သေယဝ်ႉ၊ၽႄမႅင်ႇ​ပၼ်​ၶဝ်​ၸိူဝ်း​ဢၼ်​ၼင်ႈ​ယူႇ​ၼၼ်ႉ​ဢေႃႈ။ ပႃ​ၵေႃႈ​မၼ်းၸဝ်ႈ​ဢဝ်​ႁဵတ်း​ၸိူဝ်ႉ​ၼင်ႇ​ၼၼ်​သေယဝ်ႉ​မႅင်ႇ​ပၼ်​ၶဝ်​တင်းသဵင်ႈတင်းလူင်​လႄႈ​ၶဝ်​လႆႈ​ၵႃႈ​ၼင်ႇ​ဢၼ်​ၶဝ်​ၶႂ်ႈလႆႈ​ၼၼ်ႉ​ဢေႃႈ။- မိူဝ်ႈ​ဢၼ်​ၶဝ်​ၵိၼ်ဢိမ်ႇ​ယဝ်ႉ​ၸိုင်၊မၼ်းၸဝ်ႈ​လၢတ်ႈ​တီႈ​တပႄးၸဝ်ႈ​ၸိူဝ်း​ၼၼ်ႉ​လႄႈ​ဝႃႈ၊ “ၼင်ႇ​ႁိုဝ်​တေ​ဢမ်ႇ​ပႅတ်ႈ​လၢႆ​သေ​ဢိတ်း​ၸိုင်၊ၵဵပ်း​ဢဝ်​ဢၼ်​ယွႆႈ​ဢၼ်​ယႅမ်း​ဢၼ်​ၵိုတ်းၵျၢၼ်ႇ​ယူႇ​ၸိူဝ်း​ၼၼ်ႉ​တႃႉ၊” ဝႃႈ​ၼင်ႇ​ၼႆ​လႄႈ၊

မိူဝ်ႈ​ဢၼ်​ၶဝ်​ၽၢႆး​ႁိူဝ်း​လႄႈ​ႁွတ်ႈ​ၵႂႃႇ​သၢမ်​သီႇ​လၵ်း​ၼၼ်ႉ​ၸိုင်၊ၶဝ်​ႁၼ်​ ၸဝ်ႈ​ယေႇသု၊ ပႆ​ၵႃႈၼိူဝ်​ၽိဝ်​ၼမ်ႉ​မႃး​ၸူး​ႁိမ်း​ႁိူဝ်း​ၶဝ်​ယူႇ​လႄႈ ၶဝ်​တူၵ်းၸႂ်​ၵူဝ်ႁႄ​ၼႃႇ​ဢေႃႈ။- မၼ်းၸဝ်ႈ​ၵေႃႈ​လၢတ်ႈ​တီႈ​ၶဝ်​လႄႈ​ဝႃႈ၊ “ယႃႇပေ​ၵူဝ်။ ပဵၼ်​ၵဝ်​ဢေႃႈ၊” ဝႃႈ​ၼင်ႇ​ၼႆ​လႄႈ၊