Популярні біблійні вірші з Marko 13

Поділитись

Na banhu bose balamukolwa kulwa nguno ya lina lyane; aliyo uyo wiyumilija kushisha ku mhelo, ngʼwene alapijiwa.

Ilanghanagi, ikalagi miso, na kulomba, iki mutamanile ikanza aho Ulabiza ho.

Aliyo aho balamutwala kumutuula ho ngʼwibanza, mutizandia kwiganilija iyo mulahaya, nulu mutizidedekanya; aliyo mhayo uyo mulinhiwa ngʼwikanza ilo u gwene mulahaya; iki muti bingʼwe abahaya, aliyo Moyo Ngʼwela

Igulu na si shilabita aliyo mihayo yane italabita.

Aliyo mhayo gwa lushiku lwenulo, na ikanza ilo, ati ho uyo amanile, nulu bamalaika ba ngʼwigulu, nulu Ngʼwana, ulu ati Baba wike.

Aliyo aho muligwa bulugu na nghulu ja bulugu, mutizufungʼwa ngholo; iki yeniyi italakija kubiza ho, aliyo mhelo itali.

Kulwa iyo ngʼwikale miso; iki mutamanile namugi aho aliza, hamo mhindi, hamo bujiku hagati, hamo mu ngoko jikuhilaga, hamo dilu; Atiziza kamo na kamo na kungʼwisanganija mutalile. Iyo namuwila bingʼwe, nabawila bose, Ikalagi miso.

Iki ihanga lilubukila ihanga liye, na butemi bulubukila butemi wiye; jilabiza ho nyahinga mapande gangi na gangi; na jilabiza ho nzala na makoye; mihayo iyi yene wandijo wa kulungʼwa busungu.

Na evangeli shigelile ilomelwe tame mu mahanga gose.

Iki bingi baliza mu lina lyane, balabyuhaya, Nene ndi ngʼwene; na balabalembalemba bingi.

Aliyo ilanghanagi benekele; iki balamutuula ho ku mabanza na mu mabilingilo, mulatulagulwa; mulimilijiwa mu butongi wa batale na batemi kulwa nguno yane, mihayo iyi ibize bukaniji kubo.

Iki galabuka Makristo mamama na bahangi bamama, nabo balita shimanikijo na sha kukumya, kushisha nose balabalembalemba nulu basolwa, ulu yudulika.

Aliyo mu shiku jenijo, hanuma ya kuluhyaluhya kwenuko, limi lililabula, na ngʼweji gutalafunya kwela kwago, Na sonda ja ngʼwigulu jilabyugwa, na mabudula ga ngʼwigulu galanegenyiwa.