Популярні біблійні вірші з JOHANE 6

Поділитись

Jesu a ba raya a re: “Ke nna senkgwe sa botshelo; yo o tlang mo go nna, ga a ketla a bolawa ke tlala, le yo o dumelang mo go nna, ga a ketla a nyorwa gope.

Mowa ke one o rudisang; nama ga e thuse sepe; mafoko a ke a buileng le lona, ke one a a leng mowa, e bile a botshelo.

Se direleng dijo tse di nyelelang, direlang dijo tse di nnelang go ya go fitlha botshelong jo bo sa khutleng, tse Morwa Motho o tlaa di lo nayang; gonne ke ene yo Rara, e bong Modimo, o mmeileng lotshwao.”

Gonne go rata ga Rre ke mo, gore mongwe le mongwe yo o bonang Morwa Modimo, a mo dumela, a bone botshelo jo bo sa khutleng; mme ke tlaa mo tsosa mo letsatsing la bofelo.”

Jesu a ba fetola a re: “Tiro ya Modimo ke e, gore lo dumele mo go ene yo o mo romileng.”

Botlhe ba Rara o ba nnayang ba tlaa tla mo go nna; mme yo o tlang mo go nna, ga nketla ke mo kgoromeletsa ntle gope.

Simone Petere a mo raya a re: “Morena, ana re ka ya kwa go mang? Wena o na le mafoko a botshelo jo bo sa khutleng.

Ke nna senkgwe se se tshedileng se se fologileng se tswa legodimong; fa motho le fa e le mang a ja senkgwe se, o tlaa tshela ka bosakhutleng; ee, le gone senkgwe se ke tlaa se ntshang ke nama ya me, gore e nne botshelo jwa lefatshe.”

Ga go motho ope yo o ka tlang mo go nna, fa Rara yo o nthomileng a sa mo goge, mme ke tlaa mo tsosa mo letsatsing la bofelo.

gonne senkgwe sa Modimo ke se se fologang se tswa legodimong, mme se naya lefatshe botshelo.”

Ke nna senkgwe sa botshelo.

Foo Jesu a tsaya dinkgwe; ya re a sena go leboga, a di abela batho ba ba dutseng; le tsone ditlhapi a di dira jalo, ka fa ba ratang ka teng. Mme ya re ba sena go kgora, a raya barutwa ba gagwe a re: “Selang dikabetla tse di setseng, gore go se ka ga latlhega sepe.”

Ke gone e rileng ba sena go tsamaisa mokoro sebaka sa dikilometara di magareng a botlhano le borataro, ba bona Jesu a tsamaya mo godimo ga lewatle, a atamela fa mokorong; mme ba boifa. Mme a ba raya a re: “Ke nna; se boifeng.”