Популярні біблійні вірші з Joon 6

Поділитись

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

A Tàr wor sìysì ne ji wìr dzə̀m wo wù wiy, yén Wán və, wáy shilív é wùn wó wáa ker dzəʼə̀m yee là may. A kí dzə̀ jii, m wíy fəə́r ŋgaàŋ fo kpu e ghan sé bàm sí.»

Jesus bìnèr jii, «Kinyo ke Nyùy taʼ ji vèn wáa yiì ki kù dzə̀ ji vèn wáy shilív e wìr wo wù tumén wùn.»

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Simon Pita nèn bìnèr jii, «Tàr, vèr kfə̀n du, e yen a dzə̀ la? Kù jòʼsì wò wo à kér jí se sí fó dzəʼə̀m yee là may.

Dzə̀ mo vifá ve yi ve ví loòn fó yuv, ve ví fó dzəʼə̀m yee là may. A wìr yì vifá ve yi vìn, bo ŋgaàŋ shaarì. A vifá ve yi vìn vi dzə̀ wún wóm, wo m fó ji wír veé ndzə adzə̀me fíʼ wìy lùŋ fo fo.»

Bó yòʼ dzə̀ wír, wù wàa wìy, a yen mo, a bó bánrí Tàr wor wo wù tumen mo ŋgaàŋ. A m wíy fəə́r ŋgaàŋ fo kpu e ghan sé bàm sí.

A vifá ve yi ve Nyùy fó vìn vi dzə̀ wír wo wù tumen fó yuv, wù wíy é nsay fèn ji wù fó dzəʼə̀m yee là may e wíri.»

Dzə̀ mo wo m dzəə̀n vifá ve yi ve ví fó dzəʼə̀m yee là may.

Á dzə̀ʼə̀m, Jesus lì ntuʼ se kiban sìy, e beèrì Nyùy, e fò ji á jav e wír ve á dzə́ fo nsayi. Wù kfən lì sa sə́, e yiì sho réŋréŋ bey, wìr wáa yi mo wù koŋè. Á yí, e kùrkír, wù suúy e wón və́ lìme jii, «Vèn báʼtí vimbéʼ ve ví berin ví, e làa yòʼ biimé, é kifá ki lay.»

Á kú a kìy kikóŋ, a dù, e lòo meé fomóʼó, aá kì màʼtì ne shúu kwaʼ moo amay ataár kìn akweè bèy, e yèn Jesus, a wù ghán a dzə̀ é kitu ke ndzəv, wiy, méʼ kikóŋ. Wún wóví kuúsí, á wáa fàn. Wù ku nèn yòŋ áwune jii, «Dzə̀ mo, lá vèn yòʼ a fàn.»