Популярні біблійні вірші з Yoˇhanˬ li‸ 6

Поділитись

Yeˍsuˆ kʼaw‸ kʼoˆ ve, Ngaˬ lehˬ co ha te‸ piˇ lawˬ ve hkaoˍmonˇ hpeh‸ ve yoˬ. Ngaˬ geh laˬ ve chaw lehˬ, maˇ kʼaw‸ meu‸-o. Ngaˬ hta‸ yonˍ ve chaw lehˬ, iˉ kaˆ teˇ pawˆ ka‸ maˇ kʼaw‸ shiˉ-o.

Co ha te‸ piˇ lawˬ ve teˇ ceuˬ lehˬ, awˬ ha yoˬ. Awˬ shaˍ lehˬ, te‸ chiˉ te maˇ gʼa. Ngaˬ nawˬ hui hta‸ kʼoˆ laˇ ve tawˇ hkawˇ teˇ hpaˍ lehˬ, awˬ ha hpeh‸ ve yoˬ. Co ha te‸ ve teˇ ceuˬ ka‸ hpeh‸ ve yoˬ.

Luˬ puiˉ sheˆ puiˉ ve caˇ tuˬ hta‸ gʼa tuˬ awˬ pon gʼaˇ hte‸ taˇ te. Chaw yaˇ ve Yaˇ hpu nawˬ hui hta‸ pe‸ laˇ tuˬ ve caˇ tuˬ hta‸ gʼa tuˬ awˬ pon gʼaˇ hte‸ te-o. Caˇ tuˬ oˇ ve lehˬ, co ti‸ ha ti‸ gʼa tuˬ awˬ pon yeˬ ve caˇ tuˬ dawˬ tuˬ hpeh‸ ve yoˬ. Awˬ lawn kʼo, Awˬ pa Gʼuiˬsha lehˬ chaw yaˇ ve Yaˇ hpu hta‸ yinˉ tcuhˉ taˍ peuˬ teh‸, yawˇ hui hta‸ kʼoˆ piˇ ve yoˬ.

Yaˇ hpu hta‸ mawˬ leh yonˍ ve chaw teˇ gʼaˇ le le co ti‸ ha ti‸ gʼa tuˬ, ngaˬ Awˬ pa a loˍ cawˇ ve yoˬ. Awˬ leh meuˇ ve awˬ nyi awˬ hkʼaw lo chaw oˇ ve teˇ hpaˍ hta‸ ngaˬ kʼaw‸ te‸ tu la piˇ tuˬ yoˬ teh‸ yawˇ hui hta‸ kʼoˆ piˇ ve yoˬ.

Yeˍsuˆ kʼaw‸ kʼoˆ ve, Gʼuiˬsha ve kanˉ te ve teˇ ceuˬ lehˬ, yawˇ peu laˇ ve teˇ gʼaˇ hta‸ yonˍ ve teˇ ceuˬ hpeh‸ ve yoˬ teh‸, yawˇ hui hta‸ kʼaw‸ kʼoˆ piˇ ve yoˬ.

Awˬ pa ngaˬ hta‸ hkʼa pe‸ laˇ ve chaw hui lehˬ, ngaˬ geh laˬ tuˬ yoˬ. Ngaˬ geh laˬ ve chaw hta‸ ngaˬ maˇ chiˇ baˬ.

Siˉmonˍ Peˍtruˆ kʼaw‸ kʼoˆ ve, Jawˇmawˇ-oˬ, ngaˬ hui a shu geh kʼai tuˬ ve le. Nawˬ lehˬ co ti‸ ha ti‸ ve tawˇ hkawˇ cawˬ taˍ ve yoˬ.

Ngaˬ lehˬ, mvuhˇ naw ma hkʼoˆ lo ya‸ la ve co ha te‸ piˇ lawˬ ve hkaoˍmonˇ hpeh‸ ve yoˬ. Hkaoˍmonˇ chi hta‸ gʼa caˇ ve chaw lehˬ, co co taiˍ taiˍ co ha te‸ tuˬ yoˬ. Miˬguiˬ yaˇ co ha gʼa te‸ tuˬ ve awˬ pon, ngaˬ piˇ tuˬ ve hkaoˍmonˇ lehˬ, ngaˬ ve awˬ shaˍ yoˬ teh‸, yawˇ hui hta‸ kʼoˆ piˇ ve yoˬ.

Ngaˬ hta‸ peu laˇ shehˍ hpaˇ Awˬ pa lehˬ, shu hta‸ ngaˬ geh lo maˇ gʼawˬ veu laˇ ve kʼo, chaw teˇ gʼaˇ ka‸ ngaˬ geh laˬ maˇ hpeh‸. Ngaˬ geh gʼawˬ veu laˇ ve chaw hta‸ awˬ leh meuˇ ve awˬ nyi awˬ hkʼaw lo ngaˬ kʼaw‸ te‸ tu la piˇ tuˬ yoˬ.

Awˬ lawn kʼo, Gʼuiˬsha ve hkaoˍmonˇlehˬ, mvuhˇ naw ma hkʼoˆ lo ya‸ la leh, miˬguiˬ yaˇ teˇ hpaˍ hta‸ co ha te‸ piˇ lawˬ ve hkaoˍ monˇ hpeh‸ ve yoˬ teh‸, yawˇ hui hta‸ kʼoˆ piˇ ve yoˬ.

Ngaˬ lehˬ, co ha te‸ piˇ lawˬ ve hkaoˍ monˇ hpeh‸ ve yoˬ.

Oˇ htaˇ Yeˍsuˆ lehˬ, hkaoˍmonˇ oˇ ve teˇ hpaˍ hta‸ yuˬ leh, bon hta‸ chiˇ mvuh peuˬ hkʼaw‸ nawˉ, mui chehˇ ve chaw teˇ hpaˍ hta‸ pehˬ piˇ ve yoˬ. Oˇ ve hkʼa shuˍ shuˍ, ngaˇ shaˍ hta‸ htawˇ yawˇ hui caˇ gaˇ ve hkʼe pehˬ piˇ ve yoˬ. Yawˇ hui hkʼa bvuhˆ gʼa caˇ peuˬ hkʼaw‸ nawˉ yawˇ kʼoˆ ve, Te‸ chiˉ maˇ gʼa mehˉ kʼai tuˬ, caˇ leuˉ taˍ ve teˇ hpaˍ hta‸ kʼaw‸ gʼawˆ-oˆ teh‸, yawˇ ve awˬ la‸ gʼawˇ teˇ hpaˍ hta‸ kʼoˆ piˇ ve yoˬ.

Yawˇ hui haw lo‸ kʼoˍ hta‸ shehˆ laˆ awˇ laˆ hkʼe gʼawˆ kʼai peuˬ ve teˇ yanˇ, Yeˍsuˆ gʼuiˬ po awˬ hkʼoˆ lo ya‸ kʼaw juˇ leh, haw lo‸ kʼoˍ awˬ paˇ lo laˬ chehˇ ve hta‸ yawˇ hui gʼa mawˬ htaˇ kawˆ jaˇ ve yoˬ. Yeˍsuˆ lehˬ, Ngaˬ yoˬ, taˇ kawˆ teh‸ yawˇ hui hta‸ kʼoˆ piˇ ve yoˬ.