Phila Ubomi ObunenjongoIsampulu

Ukukhulisa uThando Lwethu lukaThixo

Ukukhulisa uthando lwethu lukaThixo mhlawumbi ngumngeni ongaphezu kothando lomhlobo okanye ilungu losapho. Isizathu esiphambili sesi sokuba asikwazi kumbona ngeliso lenyama uThixo. Ngoko ke, ukugcina nokukhulisa ukuthanda uThixo kufuna ukholo.

“Ukukholwa ke kukuqiniseka ngezinto esinethemba lazo; kukwakukuqiniseka nangobukho bezinto esingaziboniyo.” KUMAHEBHERE 11:1

Ukholo lusenza sibhekise kuThixo ngqo uthando lwenene olusuka ezintliziyweni zethu, noxa singakwazi ukumbona ngeliso lenyama. Ukuze silukhulise uthando lwethu lukaThixo, ukholo kufuneka lusebenze kubomi bethu bobuKrestu.

Ngokumana sifunda iLizwi likaThixo, silubona uthando lwakhe nokubandakanyeka kwakhe ebomini bethu nokwababanye nobudlelane naye emthandazweni, siqala ukumbona ngakumbi nangakumbi. Ukumazi ngakumbi ukuhamba kwexesha kukhulisa ukumthanda ngenene ebomini bethu.

Ukukhulisa ukuthanda uThixo ngokholo lwethu kuye kukwaxhomekeke ekuboniseni olo thando ngezenzo.

“Lunjalo ke ukholo olungaqhubeli mntu kwenzeni nto; luyinto nje efileyo.” EKAYAKOBI 2:17

Ukumthanda kwethu uThixo ngokholo, okuhamba nokuzinikela kuThixo lungqinelwano olufunekayo lwempumelelo nokukhula kolwalamano lwethu naye.

Noxa ukuthanda kwethu uThixo ngokuqinisekileyo kuza kukhula ngenxa yokusebenzisa ukholo lwethu, kukwabalulekile ukuqonda ukuba ezi zenzo azisenzeli luthando nasisa sikaThixo.

Inyaniso yeyokuba selewasithandakakhulu nangaphandle kwemiqathango kwaphambi kakhulu kokuba simazi. Uthando lukaThixo ngumthombo wethu wenene wenyaniso: ukumthanda kwethu nokuthanda abanye abantu.

“Sinalo ke uthando kuba thina sathandwa nguThixo kuqala.” 1 KAYOHANE 4:19