Gewilde Bybelverse vanaf YOHANA 12

Deel

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Uyanzaa livamwoyo lilie alaligotiza, na udunyiraa livamwoyo lilie mu kivala yiki alava ni livamwoyo litahera mba.

Muvooleraa agiligali, enzori yi ingano itigalaa yenyine vuzwa nitagiywi mu marova ma ikuze, itigalaa yeng'ine. Navuzwa niiva ilakuza, yaama ingano inyingi.

Inzi mali kuuza mu kivala kuli uvulavu. Kunangwa mundu kuvoosi usuviraa mu inzi avuli kutigala mu kisundi.

Uhulira amakuva gange, navuzwa navula kugagumira, inzi si mukalagiraa mba, kigira sindaaza kukalagira avumukivala, navuzwa kuvahonyia.

Kunangwa Maria yavugula ijuba ya maguta gafunyaa umwayu, aginaridi enzere aguvuguli vonene. Yavaka virenge via Yeso, na niyeeya virenge zana ni liisu lilie. Inyumba yoosi yekolera mwayu.

Kunangwa vaavugura zisia zia makindu nivazia kumwaganira, nivakuba isango nivavoora, “Hosana! Agasizwi uyu uzaa mu lieta liu Mwami. Agasizwi Mwami wa Isiraeli.”

Yeso yavavolera, “Ing'inga yu kukuminya Mwana wa Adamu iduuki!