Gewilde Bybelverse vanaf Spreuke 22

Deel

Leer ’n kind vroeg hoe om te leef en hy sal tot sy oudag toe reg leef.

Mense wat die Here liefhet en nederig lewe, geniet respek en die goeie dinge van die lewe.

’n Goeie naam is beter as geld. Ander se liefde is kosbaarder as groot rykdom.

Pas op vir mense met ’n slegte humeur. Bly uit die pad van ’n wraaksugtige mens.

Iemand wat mense se nood raaksien, ervaar blydskap. Hy wat vir armes gee, is ’n gelukkige mens.

’n Slim mens weet wanneer gevaar dreig. Hy weet hoe om dit te vermy. ’n Dom mens ken nie die lewe nie. Hy sukkel maar net aan.

’n Ryke heers oor die armes wat hom geld vra. ’n Lener is die slaaf van die een by wie hy leen.

Ryk en arm kan ook saamwoon. Die Here het hulle immers albei geskep.

Moenie ’n arm mens uitbuit omdat hy weerloos is nie. Moenie die behoeftiges wat om hulp roep, in die grond in trap nie. Onthou, die Here is aan hulle kant. Hy veg vir hulle. En Hy straf almal wat hulle verneder.