Ewige VerbondVoorbeeld

Lees: 2 Samuel 7:18-29; Openbaring 22:16

SOAP: 2 Samuel 7:28-29

“En nou, Here, U is God. U woorde sal bewaarheid word. U het hierdie goeie belofte aan u dienaar gemaak. Begin tog nou en seën die huis van u dienaar om vir altyd in u diens te wees! Here my God, U het gepraat en omdat U seën, is die koningshuis van u dienaar vir altyd geseën.”

Oordenking

Onthou jy die belofte wat God aan Abram gemaak het dat sy nageslag net soveel soos die sterre aan die hemel sou wees? Wel, God het sy belofte nagekom en Dawid het koning geword oor die nasie wat God uit een man gebou het. God het ook sy belofte nagekom dat daar eendag iemand sal wees wat op Dawid se troon sal sit en vir ewig sal regeer.

Met Kersfees vier ons die geboorte van hierdie afstammeling van Dawid. Jesus het Homself verneder, nie net om 'n mens te word nie, maar ook om 'n man te word wat tot die koninklike geslag van Dawid behoort. Hy is die Een wat vir ewig op die troon sit en oor alle dinge regeer. Eendag sal Hy alles nuut maak en almal wat in Hom glo, in sy koninkryk vestig. Jesus sal oor alles heers met wysheid, vrede, getrouheid en goedheid. 

Gebed

Here, U is nie net 'n God wat beloftes maak nie, maar wat dit ook nakom. Laat ons smag na u Woord sodat ons meer vertroud kan raak met al die beloftes wat U gemaak het, en help ons om te sien hoe U dit nakom. Amen.