Elke Dag Saam Met GodVoorbeeld

Ek het gesê ek het gesondig. Wat nou?

Wat help die erkenning dat wat ek gedoen het sonde is, nie net sommer ’n glipsie of kleinigheid nie?

Dit help dat ek verantwoordelikheid aanvaar en nie die blaam verskuif nie. Dit help dat ek iets wat ernstig is as ernstig erken en drasties hanteer. Dit help dat die Here my verder kan neem: deur vergifnis tot by verandering.

God se doel vir my is dat ek sonder sonde sal lewe, want sonde bederf lewensvreugde. God weet dat ’n gehoorsame lewe ook ’n gelukkige lewe is, en Hy gun my ’n lewe in al sy volheid. As ek die sonde vermy en God se gebooie doelgerig nastreef, het ek die goeie pad gekies.

Laat Esegiël 18:30-32 jou ook inspireer om jou sonde te erken, weg te draai daarvan en te lewe.