Laai die Bybeltoep afElke Dag Saam Met GodVoorbeeld
Kruisdra: Jesus se belofte
Die meeste mense smag vandag net daarna om gelukkig te wees. Hulle wil net hê hulle kinders “moet gelukkig wees”. Maar dan gebeur dit nie, of hulle ervaar net vir ’n kort rukkie geluk. Dán is mense ontevrede!
Nêrens in die Bybel belowe Jesus geluk nie. Hy beloof kruisdra vir sy navolgers, en eers daarná vreugde. Sy belofte is eerlik en dit is dat ek ná swaarkry en my lewe “verloor” wel egte vreugde kry. Dis dieselfde pad as wat Jesus self geloop het: Daardie pad van uitgestelde vreugde, maar dan egte, permanente vreugde.
Verkeerde verwagtings maak my (en my kinders) ontevrede. Kyk eerlik na jou eie verwagtings. Kruisdra beteken beslis nie geen swaarkry nie. Maar kruisdra gee uiteindelik die ware lewe.
Lees weer Matteus 16:24-25 en kies vandag nog hierdie vreemde lewensdoel naamlik kruisdra.
Hierdie oordenkings is saamgestel uit ELKE DAG SAAM MET GOD deur Henk Gous © Christelike Uitgewersmaatskappy.
Skrif
Aangaande hierdie leesplan
Psalm 16:11 sê: “In u teenwoordigheid is vreugde, en aan u regterhand is daar blydskap vir altyd.” Wie wil nie dít hê nie! Dié Skrifbeloftes kan waar word in jou lewe. Jy kan volkome blydskap en vervulling beleef! In die volgende 14 dae sal Henk Gous jou lei om elke dag nader aan God se vreugdevolle teenwoordigheid te kom. Hierdie leesplan is saamgestel uit ELKE DAG SAAM MET GOD.
More
Ons wil graag Christian Art Publishers bedank vir die verskaffing van hierdie plan. Vir meer inligting, besoek asseblief: https://www.cumbooks.co.za/
